勁爆開心，因為今日係牛孖筋重聚日....我地去左壽司亭食Lunch(+阿Sa)

好耐無見阿符啦，不過佢無變到呀，仲係咁低B,仲會PK.... !!

我同阿符食完飯就走左返學校玩!!!!見返好多阿Sir,同Miss....

不過學校已經唔同晒啦!現代化社區會堂?!

何力高瘦左，不過依然係包

梁柏健變左做Sale...勁得人驚!!!

龍麗丁變左個師奶頭，都係以前o個個頭靚

雪梅姐十年如一，無論係門口的剪報定係佢既口吻都係不變

Miss Au估唔到顛Hard Sale...我地打西餅，仲周圍走咁話我地有家教?!?!

(好彩有買西餅返去，否則.........!! )

我地既"大傻"好彩無變，依然咁傻

今日最慘的一定係"阿蛇",因為做左副校之餘，仲要開行政大會....T_T

雖然畢左業已經5年...但今日睇返條走廊就好似返左去"以前"咁...

中午綠組開的center，係chem Lab門口食飯的我地，放學後整公民既Board，合唱團，貼滿貼紙的locker，係走廊追逐的Macy，破舊而且得四面牆的更衣室，圖書館的"滅絕師太"，小食部的炸墨魚丸，成班同學圍威喂，手球隊練波，影畢業相....

由細到大的回憶一下子返晒黎!開心，唔開心....都已經過去了!

雖然很感觸，但成長就是這一回事...

ps.如果有模仿Miss AU大賽，我地應該會law獎