最近記憶力衰退,一直玩開既msn既密碼都可以突然忘記,真係年記大啦!

工作一星期便失業,打擊仲大過一直搵唔到野做,唉!真係好傷心

我已努力去適應新環境,新既人際關係,但都失敗,佢話我達唔佢既要求,睇唔到我既優點,

我都安慰自己唔好放在心上,但我真係好討厭個老闆娘,佢脾氣真係無人頂得順,

講野唔收口,有次佢大大聲話廚房整既野好難食,而個師傅就係後面,

之後叫那師傅整野俾樓面食,個師傅死都唔肯,梗係,大大聲俾人話整既野難食,

係人都發火,所以無咗份工,都唔係唔好既,

那附近都有西餐、日本餐都請人,但因為臨近放榜,所以都無去見,

做個廢人啦!*****最衰仲要去那餐廳取支票,又要見到個難頂既人

一星期前有親戚黎香港買野,要買牌子,原來係於股票市場上有收穫,

雖然要陪佢地出去好煩,我又要讓出張床,但因為佢地既手信我都幾鍾意,都算啦!

不過唔好成日黎就得啦,因為真係好唔慣!

近放榜啦,我都唔知點好,

要留級重讀,還是搵間低分都收既,我都唔清楚,我媽話,

依家做幾日就叫辛苦,讀唔到書,往後要做幾十年,

當我仲做緊野時,我日日都重複同一動作,開店、倒水、出餐等,而且當時又做得唔開心,

真係覺得人生無意義,無生命一樣,如果往後要這樣生活幾十年,我真係會死!

我唔想過呢種生活,

前路茫茫,無人生目標,我都唔知我既目標係咩,想從事咩職業!唉!依家唯有學好英文先,

我已買好英文書,雖然唔知睇唔睇得明及能否堅持,但做咗先

最近小川都好迷茫,唔知點好,我都知你考慮咗好多現實問題,但有時呢d問題只會令人愈來愈卻步,

你只要問自己想要物野,要顧及現實,但自己唔開心,

又或做自己想做,雖有挫折,但「遇強愈強」,

最後既選擇仍在你手中,視乎你想點,

真係兩隻迷途羔羊啊!睇黎要打去學友社,等佢地呢d滅羊高手出手,

話唔定我地二人從此脫離羊族,搖身一變成為狼族,狠狠地賺一筆

到時就無現實問題啦!

(點解講到好似喜羊羊與灰太狼???)