29.8.2009-30.8.2009

呢兩日一夜係我地既東莞雁田之行,

其實都有心理準備可能會有大小不同的意外發生,

(最近自己對於計劃定的事,只要未實現,都會擔心隨時有變卦)

雖然此行沒有取消,但整個行程并沒有想像般有開心,唔夠刺激,

住唔到酒店,住賓館都好舒服,雖然有d偏

而且我同德蘭一齊訓「豪華」雙人床,

趙同苗訓「標準」雙人床,兩個男仔張床.........

有d難形容,根據佢地的說法,應該介於兩者之間,都好舒服

晚上8點左右去食晚飯,其實我覺得菜單上的選擇不多,

食物一般,但ok平,每人30幾左右,之後去食宵夜,

田螺雖然$1一碟,但品質差,與我媽的比起來,天壤之別,

喝了人生第一杯啤酒,只覺得好難喝,

但有朋友話,喝酒唔係重味道,而係著重酒後那種飄飄然既感覺,

但我無法領略,我怕自己酒後失態,做出「瘀事」

我會認床,所以得訓左2個幾鍾,哎!!!!

去到真係無咩好做,如果真要食宵夜,我認為香港既大排檔仲好食,

我有個朋友,原來佢同佢d朋友今月21去左長隆,動物園及水上樂園,

如果我地都去長隆,相信會好玩d,

我相信對苗黎講係東門之行

今日又同小蘇、大蘇、苗打邊爐,好飽,返到屋企仲有蟹食,但我仲食得落,

個胃一定撐大左,減肥時會好辛勞!!!!!!!

聽日就要返學啦,雖然唔緊張,既來之,則安之,

但相信潛意識中仍會好介意,睇黎今後又會訓唔著,

不過識朋友都係由一句話開始,如果唔主動或唔應人,都好難溶入班內,

祝大家不論中5或中6既,都有美好既校園生活,

記住,生活雖重要,但開心更重要,唔好勉強自己,唔開心記得要同人講,

一定會有人願意聽!!!!!!!!!!