今日係開學第二日,大致上都ok!!!!!

第一日開學禮,派少少通告,

第二日做既野非常、非常、非常「廢」,

竟然係教人點樣排隊,真係好廢,

之後又係度講校規,又係廢既,印出黎就得啦,識字嫁

去禮堂坐咗成個鍾,唉!!!!

麻煩既係day2、4、6要早會,早會仲要係開於操場,

夏天曬、冬天涷,姑寒到死,都唔俾人去禮堂開,

最麻煩既係課室係7樓,每次都行死人,上到課室都得返半條人命,

7樓得7a同我班,都比較靜,否則我會更不憤,都同幾個人有交談。

依家每日去地鐵時都會撞到熟人,真係非常不好意思,

無臉見人啦,見到老師時仲瘀,唉!!!!!!!!!!!!!!

今日就撞到一齊去東莞既卓同趙,

相信之後會撞到更多熟人,日開始正式上堂,一直好想快d開始上堂,

不過到時我可能會好後悔,但係當我時間浪費係練排隊時,我就好恨學校,

因為原校既學生正係度學習,而自己卻係度浪費時間,

自己落後緊佢地,唔快d就會再追唔到佢地,

唔想自己再落後佢地太多,

我都不能不承認自己有強烈既比較心,

班主任係男既,中年,佢話香港既大學係難入,但易出(畢業),

只要努力一年半,中六上下學期教書,中7就做pass paper,

入大學就在不久既將來,聽到我好心動,好想入大學,

而屋企人都好想我入,媽經常係度話邊個既仔讀大學,做文員,

邊個既女大學畢業,uncle既細仔去咗英國留學,

聽到我超羨慕,覺得那唔係自己接觸得到既世界,英國,,,,,,太遠啦

所以我會以入大學作為我既目標,我唔單係要中7畢業,我仲要大學畢業(睇到唔好笑)

呢係我既宣言,我要挑戰苗、德蘭、菁、同其他係寶覺既舊同學,

我唔會甘心被你地留於後面,我不單要與你地并排,更要超越你地,

我唔相信全心全意投入讀書時,會得唔到好既成果!!!!!!!!!!!!!!

要出去玩,不如我地一早係日曆上約定每月既某某日子先一齊出黎,每月一次或兩次,

平時就打電話,更有種期待那日子到來既心情,日子可能快過d都唔定!!!

好過突然打電話黎,話下星期出去等,

各位成員考慮吓!!

PS:

我唔知會唔會經常打日誌,不過寫日誌就可能會,

但我會經常係空餘或堂上無聊時想想你地,

唸苗你一定係度上堂訓覺啦!!!!!唔好唔憤氣呀,因為一定會俾我講中,哈.....

德蘭都可能係度神遊,唸自己點解會有呢分數等....

但真係好開心有你地呢班朋友,

過咗好多年開心、充實既校園生活.......

That's the end of my presention.

Thank you for your listening

(因為之前寫既野太嚴肅啦)