剛去完交流團,都好想將經歷同你哋分享,

個交流團真係好豪華,好正!

去到北京時,已下午5點幾,去睇咗烏巢及水立方外觀,都ok,

可能平時電視睇多咗,無感覺,可能入去會好feel 點,

第二日,好早起身,因要去人民大會堂見領導人,

當時早上我哋眾於大堂等旅遊巴,我哋穿厚衣加上有暖氣,

背部能feel到汗一滴滴向下流,但當一出到酒店外,外面的冷氣真係好正呀,

簡直係爽呀,終於覺得自己依家係北京!

去人民大會堂,影相,聽外交部講中國,但全部都被周公叫去,

去北京故宮,可能經過上午,下午已有d累,不太有心情,不停叫導遊行快d

之後又去798藝術區,但好快就走。

北京旅程結束。PS酒店都好高級,兩人一間房,餐餐都去不同酒店進餐。

第三日,四點幾起身,坐火車(和諧號)去鄭州,五小時,坐到我結滿蜘蛛網,

到達時,走私人通道,因要避開春運既人,仲有人舉旗示歡迎,大場面,第一次被人如此歡迎我,

之後幾日都去不同嘅地方,商城遺址、食品公司、鄭州大學、黃帝故里等,

雖然經一番努力後,可以去步行街,但商店已關門,唉!

只有去街邊食小食,還可以,但覺得太少選擇,

酒店都好正,有四星,鄭州時有公安開路,有歡迎儀式,係VIP享受,自己真係有元首級既待遇,

一句話,好正!同埋個領隊都好搞笑,深入就知佢係細心既人,好為我吔呢四組人,

北京既導遊同鄭州導遊同好好人,但比較鍾意北京既,

真係好難得可以去到,又可以同學校其他9人共度,

我到依家都好掛住個段時間,特別係食飯時間

因為交流團時,伙食太好,餐餐飯來`、茶來都只需張口,

服侍太周到,依家反而要洗碗!!!

希望下次可以同你哋去啦!!!!