就快要考試啦,得返幾日咋~

但我到依家都未完溫習,哎~

睇黎最近miu都唔得閒呀~快兩個星期無update了~

前排miu既生活有大轉變,依家輪到我啦~

第一,就快考試啦,可以講係某一階段即將完結,

又可以講係快將開啟新既生活~

第二,係我家姐已嫁作人婦,有d唔慣~

第三,佢已開始離職,今個月尾便過去同佢老公一齊住,

可以話係快將離開呢個家~

真係非常、非常唔慣,我哋兩個一齊大既,一齊照顧細佬,

細個會打交,中學會冷戰,到依兩年,兩人既相處係非常和諧,

佢幫我,我幫佢,佢錫我,我錫佢(雖然有d肉麻)

真係唔捨得~哎~

我會唔會年紀輕輕就做咗阿姨嫁,唔敢想像~~

miu,可能對唔住啦~關於旅行方面~

因為我想將d錢先買鑽石耳環或鏈俾我家姐,

係我俾佢既出嫁禮物~