終於完了，大半個月都處於溫書狀態，但其實溫得唔多，係文學好盡力咁溫過，其他都得過且過！話說都真係冇咩緊張感，同學校考試差唔多，可能係因為坐HALL同坐CLASSROOM ge 問題！

4月15日
第一日考IH，係姚連生考，份卷簡單過mock卷，而且問得好表面，然而就係因為問得好表面，搞到我答得多會離題，答得少又拎唔到分，我寧願佢出難d，因為學校教得好深入，題目又夠水準，真係要睇好多新聞先會識答，但係份ce卷，d同學做完之後都話，根本唔洗睇新聞，咩都冇用過，之前溫過果d十七大ge新聞完全冇用，淨係問下中國貧窮問題，哇！呢d題目係學校做唔少，我真係以為會出d好近期ge新聞，點知………傳媒果度仲衰，完全係炒舊題，想點？
基本上會有C ，我諗~~~

4月25~26日
呢日考中文，哈！大家都死左，我真係越做越興奮，越剔越手震= =+
冇諗過卷一會咁出題目，真係覺得好唔抵，我讀咁耐書為咩，早知唔洗讀，咩都唔洗做，直接去考就得啦，剔之麻，有手有腦就識啦，做埋D咩問答練習有鬼用，去中文拔尖有鬼用，老師講得咁辛苦有鬼用，5年就係靠果幾個剔，真係晒我老母D錢！
卷二仲衰，我唔記得畫題目啊~~咁我考泥做咩~~我真係有諗住份中文卷出泥GE成績唔好就去RE-TAKE嫁！
卷三就唔錯，都係自己GE水準，可惜份paper佔ge percentage唔多，好難拉高分！
卷五都係平時咁，我諗都係中位數，俾d潮語玩死，其實我真係有好多都唔明= =+++

4月30日
呢日考ECON，之前都叫做過下past paper，我對呢份卷期望一D都唔大，都係諗住拎D GRADE，份卷做得唔錯，基本上D題目都答到，不過LQ就冇答一條，因為唔夠時間，不過算啦，同我預期一樣就得啦！我原本諗住放棄呢份卷嫁，都係葉小姐拉住我，同我一齊做下past paper先至OK d 咋！
希望葉小姐你會高分過我啦！

5月2~3日
其實我真係好想去睇聖火，不過要考英文而冇得去！我都真係幾愛國嫁，睇我揀讀文學就知咩事啦！
PAPER 1A 做得幾快，基本上答晒，除左我飛左果D LQ，點解份英文卷仲長過份中文卷？6分鐘做一頁，時間都幾燜水~
PAPER 1B我都係做得好快，check完卷都淨5個字~我考果度走左半班人，都唔知你地係咪考，個個都舉手走人，咁仲好，做下份卷走先好，白卷係拉唔到curve，我都唔知幾多謝你地！
LIST&INTI就同平時一樣水準，冇咩特別，應該會有3等GE，好彩我期望唔高！

5月5日
唉！MATHS拎D都要黯住半邊嘴笑，冇野好講！

5月9日
呢日就考文學啦！卷一好短，我俾個胡適新詩考起，我做咁耐past paper都見唔到有條咁ge題目，連韓太份精闢到冇人有ge notes都冇寫，果刻真係摳晒頭，為左連果1分都唔好饋，我就寫左《希望》，我諗住聞一多GE《死水》本詩集都係叫《死水》，咁就唯有撞下，好彩就有分，唔好彩都冇饋，因為本來就唔識！
卷二就真係好好做，韓太TIP果D都中，我做得好開心，做完都淨4個字，果刻真係還得神落嚕！
我預期係坐C望B，希望有B啦，葉小姐叫你努力D拎A又唔肯，我真係睇好你嫁！

5月10日
最後一日考PA，呢份野我都係做得好開心，mrs tsai tip題都好中，realissation又tip中，好彩我有番學校補下課，份卷做得超快，根本就係超水準，短題目平均3~4個字做完，LQ就8~9個字做完，開考前仲不斷同自己講，一定要控制好時間，寧願揀LQ做都唔浪費時間係SQ，點知SQ超快做完，起初我見唔到journal，淨係做左兩條SQ就做LQ，因為其他都係背CONCEPT，唔知點解LQ都做得好快，條limited company，4個字做完TPLA，4個字做完BS，條partnership仲快，半個鐘做完，淨低半個鐘，哇~果刻我見到個鐘突然覺得自己好神，我見咁多時間就check下卷，點知俾我發現原來有journal，就開行turbo，10分鐘搞掂！

哇哈哈哈~~可能係因為做mrs tsai d 卷太多，覺得CE卷比學卷仲straight forward，所以做快左，又或者可能係我ge潛在能力爆發，我相信係後者﹝巴
雖然我唔認為會高分，因為做得快唔代表做得岩，我預一定有E，唔知D唔D到呢！
重點係我唔洗累街坊，要睇下葉小姐考成點，不過我諗餐buffet應該有著落！


C+C+D+D+D+B=16？
哇！高唔高D啊！我預14分，有上落就差唔多嫁啦！