2006 年 3 月 21 日  星期二  

琴晚睇左一個故事，好得意嫁!

叫99頁的愛情，話說有一個女仔，佢買左一本舊書，

點知上一首書主(男仔)將佢既愛情故事逐頁逐頁咁記敘落黎，

個女仔睇到入哂迷，仲將自己代入左書入面個女仔度，

當佢睇到第98頁既時候，佢見到個男仔寫住同佢女朋友分左手，

個男仔話會o係某個地方等佢女朋友，個女仔於是想去睇下個男仔同佢女朋友而家點，

去到既時候佢真係見到個男仔，個男仔亦都一眼就認出佢，

個女仔好偔然，佢即刻追問個男仔同佢女朋友點，

然後個男仔問佢:你還沒有看完最後一頁嗎?

個女仔即刻揭開，第99頁寫住:一直等待與我在書中談戀愛的妳........

然後佢地就一齊喇~

我覺得個故事好得意呀!

雖然現實中好難會有呢d野發生，不過有時候幻想下都唔錯既~

我而家有時候都會o係書o個度寫d野，

唔知遲d買左我d書既人又會有咩感覺呢?