發佐個好無聊惡夢，
好驚添~
我夢見一d好恐怖既野，
夢見o係學校...
交漏功課!!!
突然就醒佐-_-
e個係我有生之年發過最恐怖既惡夢，
次次放完假都係咁~
後日就要番學喇~
好唔捨得屋企呀~

因為e幾日都落雨，
所以e幾日都好鬼死凍~
生活都好悶，
又唔想做功課~
番學果陣就想快d放假，
放假果陣就相反，
想快d番學~
但係一到佐假期最後一日，
又想繼續咁放假，
唔知點解會咁呢~
Maths WB呀...
未做bo~
其實第9課都唔知點做啦~
講起又講...
範圍我都冇抄添~-_-
有邊位好心人可以話比我聽???

今日，
同我琴日既估計既野差唔多~
唯一唔同既就係我呀哥話陪我，
唔去拍拖，
佢話廢事我喱埋o係間屋到喊-_-
佢話聽日先出去~
我今日先開始做功課，
覺得好似有d遲咁-_-
今日先啱啱做完個中史作業，
仲有大把功課未做~
廿四號仲要默書添~
未溫bo~
算啦!
e個咁既假期要嚟玩(至少我個心係咁諗)
但係三月十八日就係下學期既考試，
好似有d快咁~
諗番起上次考試真係好好笑，
溫緊geog果陣，
我竟然訓着佐囉~
我呀媽推門入嚟至知~
除佐比佢照肺之外，
家長日果日，
佢仲講哂d野比陳sir知-_-
搞錯!
上次已經踩屎，
希望今次成績會好d啦~
唔理點都好，
祝大家 情人節快樂!身體健康!新年快樂!

今日係年三十，
所以聽日就係年初一，
亦即係情人節~
今日呀...
陳X謙叫我去打波，
聽把聲，
我仲以為係姚X軒條粉腸-_-
原來係佢，
搞到我冇去到添，
計我話，
最衰都係姚子軒，
成日好似玩電話咁款-_-
聽人講好似話情人節同年初一同一日，
係三十八年一次~
聽日呀...
呀媽番鄉下，
呀爸留工，
呀哥拍拖~
自己留o係屋企全日，
睇VCD啦~
估計聽日就係咁過架喇~

今日上H.E.堂，
整年糕，
都唔好玩既~
搞佐勁耐囉~
搞到成一點幾-_-
D friends都走哂，
留得我一個-_-
跟住自己o係學校食lunch，
其實嚴格嚟講，
都冇食過野，
學校D野賣鬼哂，
飲得包檸檬茶就上堂~
上班主任課，
睇乜鬼「青蛙」囉，
悶到死咁~

今日係數學比賽，
我地班第一個回合就係三十三分，
人地全部回合夾埋都係得果二十幾分，
我地總分仲要係五十四分添!
哇~
大拋離~
拋離佐成廿幾分~
真係全靠黃浩強佢地咋，
真係可喜可賀!!!

冇野呀?
難得我咁比心機溫英文默書，
到頭來得85...
今日，
派英文默書，
點知咁廢，
錯都錯得衰，
錯三個字，
三個都係「s」-_-
搞錯!!!

搞錯!
我而家開始發覺，
個英文老師有少少針對我咁-_-
佢日日都要我答佢問題喎，
仲衰詔Form1~我留心果陣，
佢又叫我起身答問題，
我唔留心果陣，
佢又叫我起身答問題~
今日先至最衰，
我今日都有70%唔留心，
佢叫我起身，
讀個句子出嚟，
佢又唔係唔知我英文差，
仲要特登叫我讀最長，
最多生字果句-_-
我讀錯佐幾個字，
佢就狂插我囉~
話我唔聽書，
又話我地班成日傾計，
咁又做咩要我答果陣先鬧呀?
全班傾計好似又關我事，
就嚟連全球暖化都關我事囉咩事~

星期一同二，
落佐去罰企，
彈橡筋嘛~
本身要罰兩日，
四個小息，
但係阿Sir又話我地表現好，
唔洗企第四個小息，
淨係企三個~
依件事，
終於都結束喇~
安樂哂~

今日係一月二十三日，
而且係家長日，
又係我死亡既日子。
一入到音樂室，
就見到陳X盛坐佐o係到，
打哂tai咁，
表面上好靚仔~(但係個樣都係咁-_-)
個SLP又打錯字，
將個「的」字，
打佐做「私」字-_-
真係好樣衰呀我~
唉...
最衰都係科英文拉低哂啦~
搞到......
變佐中下游添T_T
又比呀媽鬧，
跟住佢又話要我去補習，
次次派完成績表，
佢都係咁講，
但係就冇一次係真係去補習~
唉...
希望下學期好D啦~

今日，
訓導阿sir叫佐我同河河出去，
彈橡筋比人捉嘛~
冇咩事喎，
個名sir淨係猛咁問問題，
問我地兩個彈果陣時，
有冇考慮到其他人，
又話咩如果彈到人地隻眼既話點算~
佢問問題，
河河就答佢:「賠番隻眼比人地~」咁，
差d又比人鬧-_-
跟住佢話唔洗記缺點，
只係要o係下個禮拜罰企，
都唔知點解淨係罰企，
上年係咁，
今年又係咁既~-_-

唉...
今日lunch果陣，
同河河o係課室彈橡筋，
比風紀捉到-_-
記低佐名，
可能記缺點~
算啦~
咁大個仔都未試過記缺點，
而家就記下啦~
番到屋企，
唔知點同呀媽解釋，
就咁同佢講話:「今日可能記缺點~」
佢話:「咩事記?」
我答:「彈橡筋~」
佢話:「o係學校邊到彈?」
我答:「課室~」
佢鬧我:「咁廢架，彈橡筋都比人捉~」
我呆佐~
佢又話:「想當年，我彈佐好多個人，都冇比人記過缺點......」
佢冇鬧我喎~
好采~_~
唔知河河點呢~

今日放學，
一番到屋企，
就即刻上網喇~
冇咩功課嘛~
點知我呀媽無啦啦咁，
整佐個盤菜出嚟-_-
我話唔食，
佢又迫我食喎~
盤菜嘛~
嚟嚟去去都係果一種味，
飽到死~
終於去到七點鍾，
以為可以正式用電腦，
點知我呀媽要我同佢打機-_-
搞到八點幾先上得網，
搞錯!

好後悔添~
簡佐張x豪嚟作果篇「一位值得欣賞的同學」-_-
佢今日o係va堂，
同佐唔知邊個調位，
劉健民果組有五個人，
搞到我果邊得番三個人~
歐x延走佐埋嚟，
狂「支」d水落蔡x穎幅畫度，
搞到成幅野濕哂~
張x豪同埋黃x強又將d濕既紙，
摣埋一舊，
好似射籃咁樣，
射佐落果棵生d汽水罐出嚟果棵好鬼打野度-_-
我真係好後悔，
點解寫佐係張x豪架?

今日上geog堂好眼訓，
差d就去佐搵周公~
唔知點解，
中一果陣時，
上極堂都唔會眼訓，
而家上咩堂都有一d睡意-_-
今日上去pre.lab.~
成班都上哂去咁，
唔係一組兩個架咩!?
算啦~
劉健民果組好搞笑，
裝水都唔識，
最後梗係失敗啦~
仲要比關sir鬧，
我地成圍人，
就趁佢地比人鬧果陣走人~

今日中文堂作文，
我作「一位值得欣賞的同學」，
梗係作張雋豪啦!
佢最容易作呀~
用佐三個字就作好喇~
不過D文句好低劣咁-_-
算啦~
唔好理佢喇~

諗番起前日，
桃桃個樣真係好搞笑咁~
前日係一月八號，
我地九個前1A班既人，
夜晚去佐維苑食飯~
話要慶祝桃桃生日喎，
(但係佢之前唔知架~)
我地食完野，
就食佐個生日蛋糕，
當我地攞D禮物送比桃桃果陣，
佢個蠢樣好似好感動咁~
成塊面都好紅~(我都未見過佢咁架)
食完野，
去佐影D無聊貼紙相，
搞佐成個幾鍾-_-
之後去佐中央公園，
我地又發現平時成日笑既小皓皓，
有D唔妥，
果日，
佢完全冇笑過。
完因果兩個人吧(其實只係我地估估下姐)~
應該冇可能既~
儘管係咁，
我都好擔心佢，
佢好似撞佐邪咁樣，
o係中央公園，
見到隻貓就去追，
果隻仲要係黑色既貓嚟~
好恐怖!
我地o係果到玩到十點幾，
之後就走佐啦~
果日真係好開心~

今日最尾果兩堂係IH，
好悶，
「曬」哂我D時間~
溫Sir又成日唔記得自己係教邊班，
成日走過嚟，
問:「你地係咪我教架?」
我地都話唔係~
重複佐成三次都係咁-_-
最尾要收枱，
比人玩，
話張枱後面寫住36，
就要我收喎~(我36號嘛~)
其實所有枱都寫住36T_T
呃我收~
總之好悶啦~

今日派佐好多卷，
全部都o係我意料之中，
得英文肥佐-_-
Lunch之後調佐位，
係一件天大既喜事~
點知原來係坐o係正中間，
唔留心果而陣，
就一定比老師見到~
但係23號就嚟嚟-_-
家長日，
希望唔好Mr Chan嚟啦~

琴晚去旺角始創中心間「海港」，
去飲~
8點去到，
好悶~
今日係第一日番學，
而且仲係派卷添，
好緊張~
IS:普通啱啱好7成~
PTH:好差，差D唔合格~
中文:幾好，不過比佢搞佐個「T」落去，扣佐一分~
聽日會派Hist.，數學同埋IH.，
希望合格啦~

琴日係我覺得我o係到放緊假~
超開心~
同姚子軒佢地o係朱希晴屋企玩足全日，
由半玩到去十點幾~
雖然三點過程全部都o係到打麻雀，
同埋玩啤牌，
但係都好享受~
跟住七點鍾，
外賣到佐，
一路睇住咩「我要做model」，
一路食野~
食佐少少野就冇食喇，
我都唔係好鍾意食pizza既~
食完野，
無無聊聊，
玩遊戲，
玩咩鬼「Ture or Dare」，
用把梳嚟轉~-_-
都唔公平，
次次都係我~T_T
跟住十點幾，
出佐街，
都唔知做D咩，
番番入屋~
玩到冇野好玩，
學人玩電話~-_-
(成日學埋姚子軒D衰野，我仲記得佢 Form 1 扮『安信兄弟』。)
玩佐幾個人，
三個人吧~
跟住就走了，
去到小巴站，
姚子軒同我講，
對面係果套咩「每當變幻時」既取境地點，
佢唔講，
我都唔知~
番到屋企，
「累」到死呀!!!

諗番起我琴日，
全日都o係到打機，
但係我係陪我呀媽打機，
原本諗住上網，
結果要陪佢打果隻咩「泡泡龍」，
佢淨係識打果隻喎，
打足全日，
我咁陪佢，
真係好鬼死孝順呀我!-_-

今日又睇番上年張成績表，
愈睇愈傷心，
希望今年上學期d成績會好d啦~(雖然都冇咩可能)
今日係29號，
煤氣班人上嚟例行檢查，
佢地嚟果陣冇人，
結果又要約o係聽日先檢查，
真係好鬼死煩~
睇番月曆，
仲有五日就要番學啦，
五日好快過架咋~
真係好唔捨得屋企添~_~

今日三點鍾，
同我呀哥一齊，
坐我呀爸順風車，
出佐旺角，
去佐百老匯，
睇佐「阿凡達」，
四點二開始，
仲係3D架~
好貴呀~$90一個人(學生票)
幾好睇，
我覺得個故事唔錯，
但係一睇就要睇成差唔多三個鍾，
坐到好「累」。
副死人3D眼鏡，
搞到我好暈，
但係3D可能真係好睇好多，
起碼震撼D，
好似o係你面前咁~
有個「傻仔」o係我睇緊戲果陣打電話嚟，
阻住哂~
睇完戲，
已經係七點鍾。
我呀爸打電話嚟，
問:「睇完拿?」
我答:「睇完喇~做咩?」
佢答:「冇野，係咁。」咁就收佐線(仲諗住有順風車搭-_-)
跟住我就打比我呀媽，
我講：「睇完喇∼」
佢話：「o，咁去『海港』食野啦~」
咁就收線。
番到上水，
已經係八點喇∼
去到「海港」，
冇淡好食。
番屋企∼
就係咁，
e一日，
就咁過佐喇~
不錯不錯~

今日係聖誕節呀!
但係好悶，
通街都冇氣氛，
今日又開始回暖咁，
唔講都唔知道今日係十二月二十五號，
證明佐全球暖化真係好似好大鑊咁~
聖誕節啦~
真係好悶，
屋企又冇人，
呀爸番佐工，
呀媽去佐街，
呀哥又去佐拍拖，
留低我一個o係屋企，
等發毛-︿-
31號又唔知係咪去喎，
次次問佢，
淨係識答:
「約緊喎!約緊喎!」咁-_-
而家教我反覆句咩?
如果真係去，
果日應該係最唔悶既~
但係又唔知有幾多男仔去~
淨係知:「約緊，約緊。」
唉...
總之今個聖誕節假係最悶啦~　

一連兩日既陸運會就咁樣結束喇，
真係好~
今年既陸運會好刺激，
尤其係接力賽呀~
最好睇係Form.1，
1A班D人跑得超快，
淨係最尾果棒追番，
結果都係贏九條街~
點解我地上年1A咁......
今次我地同上年一樣咁，
一樣咁......
好鬼「累」!

今日真係好鬼死悶呀!!!
得自己一個o係屋企咋，
所以好悶囉~
考完試，
個心仲係好緊張，
仲未可以平靜落嚟~(唔知係咪我有問題)
聽日就係陸運會喇~
但係又唔想咁早起身，
好凍架~
都冇咩好打，收工!

今日係聖誕聯歡~
冇咩game好玩，
d野食又廢喎~
跟住個咩Yamily，
又搞埋d咩廢活動，
都唔好玩~
放佐學，
番佐小學，
得我，羅子聰，翁子健，鄧佩瑩同埋冼康琳五個人，
聽埋小學老師果d「哲學」，
悶到嘔~
聽完就極速番番屋企，
今日真係好鬼死悶呀!!!

哈哈哈~
今日終於考完試啦，
一身都輕鬆哂~
今日淨係考科學，
表面上好簡單，
實際上都好簡單~
做完仲有起碼六個字，
估唔到份野係咁簡單，
E科係我考咁多科以黎，
最簡單，
同埋最有信心既一科~
一定合格!!!(希望唔會失望吧!)
真係好，
考完試啦~
唔知做咩好，
又唔想打機，
而家又冇咩機好打~
又唔係好想出街，
咁鬼凍，
出完街番到屋企，
一定變到成條雪條咁~-_-
睇電視又睇到悶，
成日睇埋D咩教育電視，
原來得成班人o係到拉小提琴，
搞到原來好凍既天氣，
更加凍~(都唔知係咩態度)
為有上下網~
但係上網又唔知有咩野做。
突然間，
唔知點解，
好想佢再考多次試，
果份刺激過跳樓機既刺激，
真係好鬼死難忘~
我想佢再考試，
但係我又唔想溫書，
真係好無奈囉~

今日考佐三科，
考佐通識，中文聆聽同埋普通話，
通識:
好掂(應該)
題題都識(dd)
中文聆聽:
得佐(可能)
題題都識(小小)
普通話:
唯一一科係唔識(今日)
今日考d野應該得(掛)
最輕鬆係今日，
今日又唔洗溫書~
希望科學唔洗死啦~
祝
  科學合格-_-