今日因為我老細放假而我本身既工作又做完晒~所以成日都冇乜野做,真係好悶呀

我係一個唔可以返工冇野做既人~一冇野d時間就變得好難過,好辛苦架

收左工之後同左一個好耐冇見既舊同學食飯~食完飯之後一齊去左另一個舊同學生日party

其實都幾無聊架,d人都唔o岩玩既~去度我坐左嚮中間都冇同d人玩,好似搭枱咁

所以我坐到o岩o岩返黎~仲有精神打blog忝

可能同果d人太耐冇見啦~雖然都有計傾既,不過我覺得唔係太o岩傾

唔知點解呢,希望下次唔會咁啦

好對唔住呀~其實唔知點解我要嚮自己個blog度留言比妳

可能咁樣我覺得好似係被動d啦~因為如果係send短信或者msn都好似迫妳一定要睇咁

我相信妳都好清楚有好多時我都只係代妳阿哥做一d同講一d佢唔適合做同講既野

其實我都當左妳係我半個妹一樣~另外果半妳就係一個成日嚮言語上挑戰我既人

不過唔知點解對住妳我好似諗野係快過平時架~妳其實係唔服輸,多於其他因素

我覺得我同妳男朋友相比係一個完全唔合格既男人,除左講野好笑d之外,根本一無事處

如果妳要佢同妳阿哥比咁就太苛刻喇~因為以我識既人黎計,妳阿哥係有九十分架

不過d女朋友就換得快d,即係比較花心啦~其他外在條件係好好架

只要妳細心諗清楚就會明白保持現狀係最好架~用唔著要去搵答案呀!

無論我比咩答案妳~都一定係對大家唔好既,所以都係果句"算吧啦"

今日終於可以放返日假喇~連續返左兩個禮拜工真有d攰,同埋有d病呀

所以我全日只係留左嚮屋企度睏覺~搞到依家睏唔著忝,都好既可以打下個blog

嚮食晚飯既時候我睇到一個電視節目令我有d感概

其實平時除左睇足球我幾乎係唔睇電視~果個節目應該係星期日檔案

內容係講一只有三隻完整手指既女仔點樣嚮鋼琴同音樂上發展而得到成就

因為嚮我身邊有好多彈鋼琴既高手~所以我真係知道彈琴係需要d手指好靈活

其實我曾幾何時都想學一兩首歌用黎識下女仔~不過我d天分太高,所以個fd教我唔掂

最後梗係學唔到啦~

果個女仔明知自己既缺憾就係對彈琴有主要既障礙~一定比平常人難好幾十倍

我相信佢既意志力都係非比尋常~明知山有虎,偏向虎山行

我真係好欣賞依類人架~行一條最難行既路,唔係一般人可以做得到

今日朝早我準備返工既時候睇電視新聞~睇到影住我返工既地方

於是就細心睇下發生咩事~原來嚮我返工既船廠度有個當夜既"看更"跌左落海

當時新聞報導話未搵到~但係當我返到去既時候已經張佢條屍撈返上碼頭,

仲用一個三角形既帳篷蓋住~依個三角形帳篷其實我嚮幾個月前都已經見過一次

見到都幾恐怖架~.............................................

成個朝早d同事都對依件事議論紛紛~不過到左下午就好似冇事發生咁,真係散得快

因為發生左依件事,令想起尋日我由碼頭跑上船既時候

突然間有一仲好唔舒服既感覺嚮個腦閃過~可能係d第六靈感話比我知有d野唔妥掛

類似既情形其實以前都試過,不過都已經係十多年前既事喇~都係一d唔開心既野

希望以後唔好有同樣既感覺啦~有預感其實係一件好可怕既事

唔知點解今日雖然都有幾多有野要做~但係全日都好似有d集中唔到既感覺

個心都總係好似好空洞咁~有d魂不付體咁,我都唔知原因呀

總之d感覺唔係幾好~同埋有少許不安感

收工之後同個fd去睇戲~我平時都好少睇戲睏著覺架

其實唔係套戲悶到我睏著~可能係因為我太攰喇

真係有d浪費左將戲飛既感覺~