今日十點到就起左身，都算早啦!搞搞野，整左一陣就搭車去老婆仔屋企，點知去到都成一點鐘，以為遲左啦，點知佢同阿敏都仲訓緊，果時先覺得自己變左好多，以前放親假都會係老婆仔打黎叫醒我，點會係我叫醒佢呢~!!世界變囉!
佢地梳洗完果時我都差唔多睇完隻鬼碟，之後同老婆仔去旺角行街，我仲買左對鞋，係鮮紅色ge，老婆仔話用黎襯條褲喔，都唔錯~!!
聽日就要補課囉，而我就慘d，老早就要醒，去港粵碼頭送表姐去澳門，跟住先返學校!
