桑寄生係桑樹上寄生嘅另一種植物, 桑寄生性平, 不寒不熱, 屬補血藥材;  能安胎、祛風養血、强筋骨、
補肝腎、降血壓、治腰膝酸痛、偏枯、風寒濕痹, 適合長者及孕婦服用, 亦係極平嘅補健及跌打去風濕
之糖水~~桑寄生可以响國貨公司或藥材鋪買到, 十幾元一盒之嘛, 可煲到幾次飲~~~

桑寄生茶傳統方法用雞蛋及蓮子煲成蓮子桑寄生蛋茶,  有治療風濕、關節無力及氣血不足功效。
亦可用紅棗、雞蛋或鵪鶉蛋、冰糖同煮做桑寄生蛋茶。但Miss Jubie建議你哋煲桑寄生,  最好用片糖,
唔好用冰糖;  因為片糖有去毒功效…呢個食療,  如果一星期飲3次, 包你啲筋骨好, 
將來亦唔會有風濕骨痛!!!~~~

材料： (2人份量)
雞蛋 --- 2隻(煲熟, 去殼)，桑寄生 --- 1兩 (約用手執2次)，清水 --- 1公升，
片糖 --- 3兩 (約3條片糖)

2.先用清水洗淨桑寄生, 瀝乾. 加入雞蛋及清水1公升, 用慢火煮30分鐘. 取出雞蛋,
用清水浸冷, 然後剝殼, 備用.

3. 桑寄生茶繼續煮15分鐘, 隔去桑寄生, 加入雞蛋及片糖, 再煮10分鐘, 完成!~~