今年生日真係好好好開心!!因為有好多人陪我慶祝!錫哂咁多位為我慶祝
親朋密友!!

今年係咁多年既生日過得最開最開心的一年!因為身邊所有事情都明朗化!

屋企經濟環境好左，有一個穩定既好男朋友，識左好多新好姊妹，

同老朋友仍然友好，自己亦都終於可以光明正大做返個正常人！

仲知所有身邊發生既事情都係好的！所以今個生日真係過得好好好滿足！

真係好多謝身邊一班一直支持我對我好好既人…你地為我做既每一件事

都令我好感動，我全部都記得，全部都知道！！

o係我開心/唔開心或者需要你地既時候，你地都一定會出黎幫我安慰我

請真．．．今年１９歲可以擁有一班一直對我咁好咁好既人！

我真係死而無憾！！可能講得誇左ｄ…但係我心底話！！

其實生日同朋友慶祝可能係一件好普通既事，唔洗講到死而無憾咁…

呢２，３年發生o係我身上既衰野實在太多了，所以亦令我有咁

多感觸…感受咁深！亦都更加珍惜我所擁有既野…包括我既親朋密友”

雖然有一位好朋友，識左十年…但最後雖然因為ｄ各種既原因

同埋迷信既關係而已經冇再搵佢，但同佢亦都擁有過一段好長既

友誼…陪過我渡過左好多個歲月…夜晚…都算可惜”

有幾位好友比我既感受最深…

洛雯：同佢今年已經係相識１５年了”
由細玩到大…大家已經係冇咩唔知了”佢亦好明白我想點
佢又可以比到好好既意見我，近年我出左事…佢都百忙抽時間寫信
比我，支持我……佢對我真係好似對妹咁對待！咁多年黎多謝你都陪
o係我身邊…冇離開過...

呀Ｃａｔ：識左６年”我地感情真係好好…好到可比
親人咁，大家都相信大家…有次我唔夠錢交租但又就黎要走,佢雖然人工好少
又比人厄哂d錢,都主動幫我借錢比我!果刻真係感動到想喊,呢世都記得!!
不過我當然唔會要佢d錢!知已唔係要黎利用既!所以我唔會比任何人傷害到佢!

Ｓａｍ表哥：識左佢8年,繼男友後最信任既男人…亦都係唯一咁
多年黎真正純友誼既異性朋友,十分難得!!佢對我就真係當我妹咁,好錫我,關心
我保護我,我有事都一定會幫我…我諗o係佢身邊佢最信任既女人唔係佢條女
係我哈哈…因為我實在知道佢太多野喇,亦都因為佢當我細妹咁,所以冇避忌啦
真係好彩可以做到佢朋友而唔係女朋友~因為佢對朋友好好多!!哈哈~~

待續.....