連自己個女有咩事都未知.你自己都識講la.咪將你個人既興趣建立係人地既快樂
身上!!對仔女都咁鐘意沈迷係電腦世界到既原因係咩你都未知?自己打去問下d社工la

e家吾係我地吾想脫離.而且我地上網吾係陣係打機.好似你咁?陣係掛住打麻雀
我吾會好似你咁用足8個鐘頭泥狂係到沈迷做自己想做既野?

有口話人吾識話自己.連自己個女心入面想得到既同諗既野你都未知
次次見到人地媽咪同自己個女去親子旅行.去考試.去一齊玩.幾開心
我?我同工人去only.e家個工人先係我呀媽定你係呀
有咩事陣係識鎖人機
你小心鎖完之後你d仔女無地方發泄走去自殺呀

我想同你講.我隻左手果d皮仲未好番曬.Reason?自己諗la
我諗我自己已經走到去一個自己都control吾到既地步.
我都吾知自己幾時咬到自己咁傷
而你?咩都吾知.同你講都哂氣.連我d同學都意識到我咩事LOR

你陣係識聽你個仔講既野.你真係咩都吾知
你吾係吾知佢幾鐘意作野.幾吾LIKE佢自己個妹
我只可以同你講.佢都有D病.虐待症?你自己諗
佢講既野你都可以100%信.你不如去問下D社工
佢陣係識逼到個妹入絕路.我曾經因為佢係咁蝦我而諗過自殺.你又知幾多?
我諗我自己吾可以相信一個曾經傷害過我既人lor
更加吾會信你地兩公婆.你地買幾多野比我都好
物質上既野取代吾到15年泥既吾開心

我4年級果陣都吾知點解自己成日吾舒服.
e家我大個左.終於知咩事
長年堆埋一齊既壓力吾係靠食幾日藥可以攪掂
吾好以為我無壓力OK?
e家既教學制度吾同你地以前.亦都吾同我呀哥
我e家可以話你聽.我真係讀得好辛苦
同你地講學校d野.你地令到我覺得你地根本就吾想聽
我都費事講

上次我比人整爛本書單野.你地竟然無視
Emmy既媽咪都有關心我.你地係我呀爸呀媽.反而吾理我
我明你地吾想干涉學校既野.但個女比人玩都吾理.SO失望lor

我吾知你地做大人既番工有幾辛苦.
但你盡得你既社會責任生左你既仔女.
你就要盡你所能去令佢地係細個果陣開心渡過
而吾係每個禮拜都要有幾日喊到豬頭咁.
我地喊吾係因為真係比你地話
而係因為你地令到我地再次對你地d大人感到失望
一直努力嘗試建立出泥既信任.嘗試去比你地更加了解我地
可以比你地一次既責罵全部打散

我細個果陣時都為左你地e句說話而喊左好耐.你地仲未明點解?
將一個人拎去同人比較.可以能會令到佢更加努力
但係吾同人有吾同諗法.恕我既諗法同一般細路無異
我只係諗到.我係垃圾
我比吾上果個人.我無用
一句說話係可以殺死一個人的.而我就又細聽到大
我既諗法?就係我永遠都係一件垃圾

e家去到e個地步.你地出小陣聲.煩小我一陣.
已經可以係我果日最開心既事
琴日同呀爸係的士講野果陣.我講果d野令我諗番起好多f.2時既事.
我好開心.但係.反應?"下.咩話?"
ok.我算數.吾講.講完無人聽

每日有吾開心既事可以講比邊個聽?
表妹.表妹有吾開心既事講比邊個聽?表姐
e個就係點解我地一直咁fd既原因
+上年紀梳相近.講野無界限
同堂家姐佢地講野?以大人角度分析.完全吾o岩CHANNAL

QQ同彤彤其實都有好多吾開心既野
一個正常人係吾到無LALA就沈迷左係網絡世界入面
我地就係靠係網上面一齊傾計泥到發泄.泥同人分享開心既事
但係你地d大人就阻住曬.一直努力阻止我地
即使以禁制既方法都要吾比我地傾計.
咁就係你地所講既愛?關心?

表姐而且係我最好既朋友.Q最鐘意既家姐
但係佢自上左中學之後就吾理我地.唯有得番我同q同彤3個一齊玩
我地吾開心.你地個個大人無人知!!

我打e篇野出泥吾係想話你地無資格乜乜乜乜果d...
而係想你地知道.e家既小朋友雖然好似好需要物質上既快樂
但反而正因為咁而希望有更多人關心
我地沈迷吾係因為想玩.而係希望有人陪
點解一個細路係屋企.會做既吾係溫書.而係打機
好易解釋
因為屋企得一個人.網上面有成千人lor
有成千人陪佢.會想自己一個人?
點解我日日都要講一次呀媽你好靚/你好肥
WHY?我口水太多?
NO.我係想同你講下野.但係最終無野好講
同你講野只會諗起你要我做既一切會令我吾開心既野
so次次都無疾而終
重新諗下你地當初生仔出泥既目的
真係為公民責任既話.ok.你咁對我.我忍.最多吾開心足20年
但當我有能力自己一個人生活果陣
我會同你講.你已經完成你既責任.我會養你.但我吾會令你開心
如果你真係生我出泥為左陪我呀哥玩
ok.我都忍.但我會同你講.ok.我吾想做你地既公仔.亦都吾會養你地
交比你地咁"愛"既仔泥養.I am a doll∼

That's all I want to say.

最後加上一句.
要鎖機.隨便.反正你地一早係我心目中既位置係比我d表妹.更低
比我d老師.更加信吾過.比我d同學.更加吾負責任
今日你所打既每一下.我都會記住
你吾係因為想教識我.為我好而打
而係發泄你心中既不滿
向自己"本來" "應該" " 愛" 既小朋友使用暴力泥"打"
OK.我忍.等我有能力之後再泥回報都吾遲
放心∼我吾打人.亦都吾係恐嚇你呀!!吾好諗得我咁恐怖
e6下有幾HURT我?程度就好似你吾見左1億咁lor
無野∼無野ｇａ∼

e篇野一定有後記=]幾時出就吾知=)係今晚都吾定