琴日兩點鐘就出左去lu...跟住去左屯門醫院

我真係好唔鐘意屯門醫院...搞完堂大佬d手續...之後就同堂大佬搭車去寶福山...

我入去領佢既時候...我唔驚...但係我好想喊...有一刻係道諗...究竟人...生活係為左d咩 ?

但係點都好..之後去到寶福山...一路同d師父搞我堂大佬d形式...跟住整d錢俾堂大佬洗...之後到夜晚...

我地一齊拎d屋丫...車丫...麻雀丫...好多好多野...仲有兩個美女送俾佢...拎落樓下燒

好多人一齊落去...真係大大話話有4,50人...到點齊哂d野...d工作人員開始燒d野俾堂大佬

好多人一齊叫 " 丫傑 ~ 收野丫 ! , 傑佬 ~ 快d拎哂d錢丫 ! ~.....我真係喊左出黎

我真係忍唔到...丫傑...我真係會好掛住你...記得收齊野...跟住落到下面用..如果唔係冇錢用你就慘啦

我琴晚摺左好多錢俾你嫁..又有元寶...又有金銀...又有金頂...摺到手指頭都紅哂...係你嫁渣..第2個我真係唔會^^

摺左兩三大袋俾你嫁 . 記得收哂佢 !

到燒完野之後就上去...帶佢過金銀橋...跟住破地獄咁啦...搞完哂d儀式...跟住就同埋一班佢d同學一齊守夜

成晚流流長...摺足一晚錢...到朝早啦...黃色暴雨...落得好大雨...同當晚你走果時係一樣...

一樣好大雨...不過好彩到最後雨過天青...送花俾你果時...又喊啦我...衰人黎嫁你真係...做咩冇啦啦一聲都唔講就走左去

到之後你俾家姐禁制推你入去火化...又喊....唉...估唔到兩日喊咁多獲- -"

火化完之後就搭返車去洗頭
跟住食英雄飯...食完就返屋企
好累丫...通頂...

今天...星期三..係咪 ?? 係冇錯既

晏就食左一個番茄豬扒飯 ! 超好食的

因為樓下間野轉左手...試下都不錯...

個飯就好得...不過杯凍檸茶就...左d

不過算啦..新鋪開張..支持下啦..

大致上我都覺得可以接受...應該話係比可以接受更加高一級^^

間野既位置就係....置樂彩華花園樓下...叫做永利餐廳小廚

大家住置樂既可以叫黎食下...不過當然要你地自己去拎外賣紙

晏就就食左呢個好好味既飯...抵食...多汁...有兩塊豬扒...少骨...外賣到屋企都仲係熱騰騰香噴噴

外賣丫e服務又好...個飯就32蚊...我就以為31蚊咁我就拎左101蚊

跟住丫e話多謝你32蚊...跟住我就同佢講- -等我一陣..我入去拎多一蚊

跟住丫e話...其實可以唔洗啦..我地已經預左係100蚊紙...所以拎定錢黎找俾你啦..


跟住我話咁好啦...丫e就找左68蚊俾我啦...

好啦..食丫食..食完...打多陣機...白菜接近4點上左黎

上左黎玩左陣玩到8點左右就去左屯門碼頭碌玲...

跟住中間發生左d野...不開心事件...不提了

跟住就話說係已經到左玲場 ~

哇 ! 真係頂佢個制丫 ! 條玲點解碌完第一下...第二下落返黎一個樽都冇既 @@?

呢d係咪正宗既打矛波 ?? 中一個都話我全中@@ ... 勁 !

碌左成半粒鐘...佢先搵人黎整...超 ! 我都知果道卡住左個樽啦...佢唔俾我入去整 ?? 真係低BB

碌完之後去左搵地方剪頭髮...不過話說已經9點幾...基本上都收哂...不過行行下 ! 叮 !

有發現 ! 味之戀人 ! 好多零食賣 大力掃貨...都掃唔到d咩- -只係掃到d我鐘意食既野^^

好似牛肉乾...同埋呢個朱古力條 ^^ 相就遲d補返啦...都係買得40蚊左右...

算啦 ~ 跟住去左KFC食左個99蚊筒餐 ^^ 6件雞 3個飯 一個薯格 一個雞粒 3條叔米 仲有3杯可樂

我同家怡同老婆...3個人食哂._.勁 !

食完之後行左落去搭車...發覺.... .... ....


大獲 !! 點解唔見左個電話 . 邊個個電話呢 ? 係白菜的電話

跟住拿拿聲行返去玲場睇下係咪留低左係果道 .. 點知唔係 ! 心諗仆街了

跟住之後諗會唔會係KFC呢 ? 跟住我叫左佢地係玲場留下等我

我就拿拿聲用我9秒9既奶力由美樂跑去碼頭海脆坊既呢個KFC都係用左唔知幾耐

哇 ! 總知就快 ! 跟住上到去 ... 見到一d唔想見到既野...哇 ! 你唔係拉閘下化 ?

我擋住你 ! 呢個時候我一手擋住一邊大叫咪住 ! 係呢個電光火石之間既零點零零一秒

我同呢個KFC既員工互望左一眼...之後 ! 奇妙既事情就發生啦

當我用我既獅吼功問佢...有冇見過一部LG既電話 ?? 

佢竟然俾我既答案係你估都估唔到 ... 佢竟然話...你等陣 ~~

係呢個 Time..一隻烏鴉在我頭上飛過...鴉鴉鴉~~

無言了...然後經理用淩波微步...說時遲那是快...就出現係我面前

我"丫"的一聲..他說的一聲...你個電話係道...

然後交代左一d野之後...我就拎住呢個電話...用愉快既心情怒奔返去搵老婆

然後就一齊搭車返去...所以今天大約就係咁...

時間飛逝...12月30號 ...係我地一齊既日子

到今日5月3號 ... 4個月啦咁就

呢4個月真係發生左好多好多事

多到我都唔識點講...岩岩一齊真係好開心

真係乜都講...但係依嫁好似變到乜都唔講

我地既關係可能已經開始決裂...

由你岩岩講既不如....我諗我知道d野

雖然我唔清楚...但係我唔會估...所以唔洗問我知道d咩

我打既呢一篇Qooza純粹係打下d野出黎...舒緩下自己

所以大家睇過可以當冇睇過...我都唔介意

一直我都唔介意人地點睇我... 但係依嫁...我真係唔知自己可以點或者應該點

你既脾氣我可以盡量忍...所以你唔洗再講d咩咁唔好忍囉~呢d悔氣說話

我好想知你諗咩...我有錯 ?  我想知你發d咩脾氣 ... 有錯 ??

你話你之前條仔好了解你...所以你同佢傾計好開心

我依嫁都盡我能力去了解你...但係你呢...有冇俾我去了解你

一有d咩事你都係話冇野...係唔係依嫁一句冇野就係乜都冇事發生過

我好冇安全感你係知道嫁...但係你有冇照顧過我呢個感受

唔代表你上次可以係咁...就係可以今次都可以係咁

我可以忍住一次...忍住兩次...忍住三次...但係我都係人黎..我都會有脾氣

我只係想同你一齊可以有安全感...我訓覺之前你可以係我隔離

點解一訓醒之後你可以唔係我前面...點解你要咁樣去離開我 ??

我唔想再俾人無言分手咁...我真係好怕...你知唔知...我有講俾你知我好怕自己一個人

你話你明白我嫁...但係點解你今日仲要咁樣去做...咁樣去失驚無神一訓醒你連人影都唔記埋

你要走之前...可唔可以話聲俾我知..唔好等我傻奸奸連你走左都唔知

可唔可以丫...你話點解我會信你唔會咁同我講...都係因為我信你...你話你唔會冇啦啦咁同我講

你話你唔係冇野做搵野黎做嫁...我信你..點解你要問我點解要信你...我信你我係咪有錯 ???

你咁問又係唔係有d咩意思係道...我越黎越唔知你個心入面諗緊d咩...

我越黎越唔知自己應該可以點樣去做...我已經好迷網...有冇人可以教我應該可以點樣去做 ????

hahahaaa,今日4個月啦我地
離過合過,經歷唔少.
黎緊既日子有我陪住你行.
唔洗再驚我會走` ^________^


不要離我太遠　掉頭望一眼就見
分隔開　過了十米　我便懷念
上要離我太遠　突然離開我視線
這個心　也會被你牽走一片
離開你一秒鐘　立刻我就頭痛
誰人陪在身邊　都不放鬆


今日冇乜心機打日記
孤單的身影. 帶著無數的困擾

每一天都有一對新的情侶誕生

每一天都有一對熱情的情侶享受甜蜜

每一天都有一對冷淡的情侶爭執往事

每一天都有一對過氣的情侶塭壤分手

細看一下...好像跟生命一樣...

生 , 老 , 病 , 死 ~

只是情侶還有一個特別的狀況

新的情侶誕生 , 一直享受甜蜜與爭吵

然後互相了解對方...直至兩人共諧連理 , 白頭到老

再看一看 .. 好像跟生命有一點不一樣

其實相愛很難 ... 試問那對情侶能經得起風浪

互相遷就 ... 說出口只是四個字

做出來的卻只有千言萬語 , 一切盡在不言中

遷就 , 談可容易 . 單單只是普通一點小事 , 足已壤成慘劇

再說 , 那一點點的霸道 , 又是否你能夠所接受 ?

再說 , 你能為你的愛人所改變嗎 ? 若你能改變 . 又是否長久 ?