朝番左中學聽做TUTOR既BRIEFING
又可以見多寬別多時既中學同學,一舉兩得~
由於聽日係CY既生日,所以我地就約左佢出黎一齊食餐飯
小別勝新婚的感覺~

然後就同莊友去睇戲喇~
分兩批,一批睇天使與魔鬼,一批睇回到十七歲
我就JOIN左回到十七歲TEAM~
個人覺得分幾好睇,
適合朋友/情侶睇
由於我地TEAM比較早睇完,
我地就去左某不知名既平台安坐左個幾鍾喇
跟住,就開始左我地對自己依個年紀既迷思喇...
其實我地好多都已經廿歲了,
大家都已經係成年人,就唔應該再倚靠屋企
但係我地始終係學生,掙錢能力有限
$42000既學費已經係好重既負擔
仲有其他唔同方面既駛費,
食飯搭車全部都要用到錢
大學生,其實都唔易做...

我自己覺得,冇話一定要做PART TIME既,
要睇番個人屋企既情況
如果屋企負擔到既,我覺得不彷專心讀書,
SEM BREAK既時候再睇下有冇需要做PART TIME
讀好書,應該係對屋企人最大既回報
將來畢業後,收入穩定後再多給家用比較好

不過講刊尾都係要睇番屋企既情況係點....

今個SEM BREAK都TAKE左3份補習...
因為要去EXCHANGE TOUR,多左一筆意外既駛費
又唔想麻煩到屋企人,唯有靠自己吧~

仲有好多野想講,不過聽日要早起,
還是有機會的,只要不忘掉的話...