今朝8點半一起身開電腦,
發現仲掛緊8號風,好開心(ﾟ∀ﾟ)
不過最後係10點15分就落左8號,
之後老細就打黎直接叫我番工,唔洗出旺角上堂=w=

番到黃埔12點,又係冇野做,企企企企到12點幾就放LUNCH- -
(一番工又放lunch(汗))
過左陣有人要送貨,之後就同我同事出去推車仔送貨,
本身佢帶左把遮出黎,送完貨之後就開始超大雨...
諗住靠佢把遮架啦,點知佢一打開把遮...
原來係爛架!?
一開始拎住都唔係爛得好嚴重,
點知愈拎就愈爛,把遮直頭爛到d枝架都散埋(汗)
之後我唯有黎手丟左佢ノ ﾟДﾟ）ノ　＝＝＝＝＝＝＝☂　
宣接狂奔番榮華(死)
結果變左隻落湯雞-_-|||


過左陣上貨果陣,我一踎低....條牛仔褲粒鈕突然甩左Σ(ﾟДﾟ;）
之後即刻借FD條布帶一用,差D甩褲殺必死(汗)

今日基本上又係企...悶到死- -+
放工果陣又打左幾鋪DJMAX,
走去搭車果陣本身拎左部電話黎聽歌,
點知聽聽下歌我一睇下部機後面,竟然冇左個蓋Σ(ﾟДﾟ;） (今日第二次驚訝(笑))
之後我就沿路行番轉頭,好在搵番（・∀・）

放工之前店長同我講,叫我聽日跟車,仲有十幾張單,
聽日終於可以去遊車河啦∼∼
唔洗再呆企鋪面\(^o^)/

雖然今朝冇上堂,但係聽朝都係要補番上(汗)
結果竟然轉左元朗番0 0
元朗成發大廈...唔識去 囧rz
比較少出元朗嘛..

話說我今日專登著cons番工,點知店長一見到就話唔得,
要換番黑鞋...
黑鞋黑褲...唔好睇嘛(汗