好耐冇打日記啦 呢排發生左好多事 講都講唔哂

今日鄭XX又懶善良咁 琴日就發哂癩

同陸悅又玩下玩下又到食飯囉^^

下午上中文堂好快過 之後就飛落6樓羅番部手機

我終於知道 原來冇電話用係一種好痛苦ge事

終於平安無事番離啦^^ 放左學仲要去莫sir度留數

陸悅又坐我隔離 又打交 打打下又6點 但係陸悅走o個陣又扁嘴=3=

又唔理我  番到屋企 袋鼠又叫我出去打波 第一次落雨打波

大雨到嘔 又同佢去買野食  超好味^3^

番到屋企 即去沖涼 食杯麵 玩電腦  訓覺囉~

今日戲劇組試演 勁緊張

因為有條粉人臨演先話唔做 搞到我又要做埋佢o個份

到我o個陣 我照樣行出去 腳震 因為有好多自已友

一路講書 對腳靜係識得震 冇搖黎搖去

演完 行番入去 終於冇咁驚 之後就即刻換衫

D劇本就唔係好熟 但係都要頂硬上> <

仲要我除眼鏡 盲咁擠 D燈又超光 搞到好辛苦

做左咁耐 終於謝幕 好野^^ 第一日~成功

聽日就有小小淆底 正式啦

奸爸爺~~~~!!!!!!!!!!!!!!!!!!!!同志們

今日情人節 首先祝大家情人節快樂^^

但係我就絕對唔快樂

今日朝早番去學校排戲 心情都仲幾好

下午同左李家 黃欣 朱雪同陸悅去左唱K

約左陸悅1點倒係石商 佢離到o個陣嬲爆爆> <

出到旺角 我地自已行去neway 我行頭 陸悅行我後面

一路行 一路行 突然我發覺我個袋好似比人扯左一扯

原來陸悅因為著左對高跟鞋 搞到對腳好痛

佢一路行 我就一直問佢隻腳有冇事

終於去到K房 同左李家打陣機 我ge情人節_大作戰就要開始啦

開始時 我主動坐佢隔離 亦都好成功咁踏佢肩上 我諗住諗掂緊啦

佢都伏左係我肩上一陣 之後我諗住拖佢ge時候

就出事啦 佢就縮手啦 聰明人都諗到 咁姐係點解啦

之後我就開始冇笑過啦 唱完又話去影貼紙相 我勉強都要笑

之後我就送陸悅番屋企囉 一直都傾緊D無聊野 差唔多到葵芳 我隻眼就流左眼淚出離啦

我送佢去搭車 仲sd左個訊息比佢"比我一個機會 可以嗎" 直到依加 佢都仲未回我

番到石籬 入惠康買左2個杯麵 之後就番左屋企囉

沖完涼 食完杯麵 我對眼終於頂唔順 大喊左一場

我諗 呢一個情人節係我一生之中最傷心ge情人節