今日7:45起左身,之後開左部電腦聽歌,更住8:15就出左門口!!!返到學校一行到去學校門口,老鄭捉住我係度鬧囉,之後我就不過咁串返佢轉頭!~吹呀!~下年唔好比我讀呀!~傻下傻下咁!~今日返去對卷,今日對中文同埋數學,中文全部唔合格,同埋數學都唔合格,返到去勁悶囉,所以佢地對緊卷個陣我訓左覺!~~好眼訓呀!~訓左成兩個鐘!~今日12:00放左學啦,本來今日約左我d friend去睇戲既,之後d人又放我飛機囉,又唔聽我電話,又唔知死左去邊喎,去唔去都講聲啦,等我係度電話,屎忽鬼!!到左3:30就出左去買嘢比老婆豬,到左5:00,打比肥佬問佢今晚去唔去游水,更住佢話去!!!之後係屋企食飯同埋玩電腦,玩到6:30就出左門口去同肥佬一齊搭車,到左7:00我地就行左游水,到左8;30我地行去跳水池2個陣見到呀聰,丁丁同埋佢地d friend,之後我地就同佢地一齊玩,到左9:00我地行左去BB池玩捉,點知玩下玩下丁丁撞到個小妹妹,整到人地成面流晒血,之後丁丁仲要比人地鬧囉,玩都玩得唔開心!!!最後我地就行左去中池度玩捉啦,玩得勁開心囉!~哈哈哈!!!到左9:45我地就走左去更衣室換衫同埋沖涼啦,之後行左上黃竹坑村間7-11買嘢飲,最後就搭78返屋企沖涼,打日記同老婆豬傾左陣電話同埋訓覺啦!~哈哈哈!~咁無聊既一日就咁過左啦!~聽日又見到老婆豬啦,好開心呀.聽日可以比個驚喜佢啦!~包佢一定開心!~^^好掛住老婆豬呀!啜....卜~~~~