話說4點幾,今晚又訓唔著~順手開電腦打下QOOZA
做個2013小總結先,雖然衣加係一年中既一半
由之前既學校轉左去第二間學校
我能夠體驗到我女朋友6年之間既堅持,我只係半年以經捱唔住
日日由屋企6點鐘起身沖涼刷牙洗面,再狗沖去巴士站搭巴士或者係校巴返學
所以~辛苦了,我明白的
嗯~或者講下我係兩間學校之間既得著
原來做個轉校生係真係著數D既a_a
頭髮長唔會比人捉,遲到,唔交功課,做錯野,唔返學,都唔會比人捉
對比舊既學校,遲到幾秒,功課做少幾隻字都會比人[媽差]
仍然,我到左新學校,功課大部分有做有交,學返足左好多,開心左係真既
簡單d咁講,半年同6年,或者係我未習慣,但係我會比較選擇新學校,當然係無之前既同學之下,我唔係話衣加識既同學唔好,只係
感覺...唔同就真係唔同,不過一樣都係咁fd
或者相對比兩間學校,城市同鄉村之間既關係,人同人之間相處係唔同好多
衰仔d咁講,之前既學校,我感覺到周圍都係敵人,個個都為大家設局,自己向上,又其是係老師
被擺上台試過,被暗中玩野試過,被明針明對試過,仍然,係人地既眼中,我係一個壞學生
有時候,唔係一個人既價值觀出錯,而係果個人經歷過,佢所感受到既係咁樣
當我向身邊人傾訴,所有人都覺得係我自己出錯,唔返學要留班係我抵死,當然我都覺得係
如果你感受過比訓導主任拎自己同其他全校出哂名既壞學生比色,重要比訓導主任一口咬定你個頭既色係啡過一個咁既學生
我諗,你感受到既會係憤怒,不甘,而唔會係悔意,更加唔會覺得係自己做錯?
好的,忍住了,第二日我染多次黑返去,我問過老師,同學,屋企人,我未染黑之前都係同普通黑髮既人一樣,係烏黑既
其實洗頭多之後,比太陽照會有小小啡色,唔會出奇掛?
得到既竟然係小過一個?我錯了嘛?搞不懂耶sir!
更離普過份既係,另一個牙sir竟然同我講,你係咪染過髮,染過之後再染返黑就緊係會甩色架啦,如果唔係出染黑髮做咩
哇!hi,你又岩wo,咁樣講一講,d生意人應該係叫生產商出d染髮劑係黑色之外都易上色既,唯獨係黑色就會難上色同埋易甩
wow,sir!你教左我作為一個賣染髮質既商人應有既態度!
如果係認為我價值觀有問題,不彷嘗試下代入我,睇下你既感受
比人明針暗對,同一樣既問題,只有我,當然我唔包括有其他人同我一樣,遲到係要記小過既
捉頭髮要記小過,走留堂要記小過,咁sir,點解佢同我犯同一項,唔洗記小過既呢?哦,原來係因為佢第一次犯
唔係wo sir,我見過佢幾次犯同一樣wo,咁人地成績好,又唔見你係?...
同其他老師講,你重爽,個個都係咁,叫你去見校長
去到校長室坐低,準備開口同校長傾計,你會發覺佢開大校長室門,跟住佢會用比平時大聲3倍左右既聲線同你[傾計]?
我講一句,即時比校長哥用所謂捉字蝨對待,我強調,我唔係其他學生,我係我,唔需要用對付其他學生既手段對我
當然,最後我被收皮同埋係叫我信耶穌既,我話我本身有宗教,校長就同我講,宗教係好個人既事,你可以改信奉耶穌???
對唔住,我唔係踩基督教,更加唔係踩耶穌,係到先要道歉
我明白,宗教的確係一件好個人既事,然而,點解要講到好似我一定要信咁,唔信就唔會幫你
或者咁講,你係可以同我講一下基督教既野,我係有宗教,不過我唔會拒絕聽,但係,你唔好強迫我信你自己既宗教
信耶穌得永生,神愛世人,人生下來都是平等
咁,能夠解釋一下,點解唔信基督,就會受天災等災難,唔信就等同係錯,唔信就等同自己係有罪
以上,套用返既,人唔係平等咩,神造人類,咁應該係真係人人平等
但係點解要分有罪無罪,有分善惡,恩,點解唔信就會係壞人呢
就好似,學生覺得老師有錯,反而比老師話你錯,因為你唔跟大隊,你凸左出泥,所以你有罪
比個例子,我係一班人入邊,係比較中意某個明星,而呢一班人中意既係同一個明星,漸漸我被呢一班人討厭,比人話係異類,最後被排斥
其實社會都係用緊呢一套
恩,如果你重係覺得我錯,咁
你有無試過比人屈,比訓導主任屈呢
話說,呢個問題我諗都出現過,所以係訓導室安裝左部cctv
當時,我問點解會有留堂,我唔知道,所以我先無留到,竟然聽到,我有叫你留,係你無做到
????
佢話佢係係衣加呢個位同我講過,但係好認真,我話我無,佢話我係到搵借口
咁有cctv係到,我叫訓導主任睇倒帶,唔過份,佢拉開話題,開始說話上引我中伏
用好重既語氣話我,當我班主任入教員室果陣,佢用溫和既語氣講,無野
哈哈,cctv全部拍低哂,咁緊係我既上訴失敗啦,反正部機有無拍,我都唔知
重有好多無理頭既故仔,理由話我
人係公平,點解我感覺唔到
唯獨我得到既係,我一口咬定我唔會求學位,最後我扮死狗,叫校長留我,介紹我轉校
另外一件深刻既事,我永遠都會記得
facebook,我只不過係係其他同學到睇到一個話學校既專頁,然後我贊好
唔夠一陣,有一位sir,立即inbox我
同我講發佈呢d野,對我對學校都無好處,我回應我只係覺得佢講得好岩,同我可能都有錯贊好
不過我無發佈,我比我女朋友睇完d對話,佢都覺得個sir認為同咬定係我發佈個專頁
第二日返學,我班主任問我,facebook個專頁係咪我發佈,我話我唔係
我問我班主你邊到聽到,佢話教員室有個sir係到講
唔知你地又點睇呢
反正件事都過去左
我諗呢間學校,本質係好既,我好介紹d人入去讀,教出既學生一定會好好
以上,我對好多人講左好多次,都同一種回覆
你做好d,就唔會比人入位架啦,我唔信你做好左都比人入
明顯,你不懂我
校門總有一個專捉我既人,好聽d應該係人,難聽d係狗
我唔明
我只係想做自己,想鍾於自己所想既去做
唔得,你會係壞既一個
少年,你太年輕了
.......05:30 2013/6/1
|
