今日最特別既事．．．

緊係打ｂｌｏｇ啦∼

ｅ排諗唔到有咩做，

就諗住打ｂｌｏｇ講下野。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊

近兩日番學校既開放日而要我早起身，

ｅ種感覺令我非常之痛恨，

朝頭早如常咁起身，洗面，刷牙，

但次次都冇乜精神，

好啦，番到學校，早左半個鐘番到，

周圍行又周圍坐，

悶到爆．ｎ．

等到夠鐘要番課室先開心少少，

但番到去就好似去左青山咁個個都周圍跑，

我既心情好似ｅ家股市咁直跌落去。

不過有ｄ人比較正常，

就係坐係到完全唔郁，

我同佢地一樣咁坐係到，

但就有幾個不正常人類黎搵我傾計，

老師黎左，

ｄ人用３秒之內既時間番埋位（超人咁快．口．””）

但老師就叫我地玩如來神掌（姐係用手掌壓落ｄ油到，之後印係左畫紙到）

個個唔知點解會咁興奮＝　＝

印完之後，

老師比左張濕紙巾我地抹手（咁不如比我地洗手啦．.．）

終於捱到ｌｕｎｃｈ啦－　－

ｄ不正常人類都係要搵我一齊食，

食食下有個人無啦啦比左個飯我，

話有人唔要，就比左我食．ｖ．

但我諗都冇諗就扔左佢，

放學係我係學校最開心既時間（可以離開間青山嘛－　－）

番到屋企，

做ｄ一般年青人會做既野「打機」！！

打左兩，三個鐘玩到悶就睇下ｍｓｎ，作下廢話咁，

作作下又無啦啦睇到個同學話咩病左，

問下佢咩病呀，大唔大問題呀，有冇錢呀咁既問題，

咁就傾左成晚，

傾到１０點幾就比呀哥用，

之後就沖涼∼刷牙∼

之後就訓ｌｕ∼

就咁就過左一個好平凡又不正常既一日啦。