訓左一晚之後，心情好左D
但一起身，隻腳痛過琴日好多~
每行一步路都隱隱作痛，好難受
今日，我都係用腳尖行路，好鬼攰呀
上Maths堂，呢課唔係咁明，做得好慢!! 連彤彤都快過我呀
中文上個人短講，印象深刻o既有殷健、林文鋒同奶粉
殷健講中晒，雖然我都知唔可以同人比較，但我連自己都贏唔到
林文鋒好有幽默感，「撞聾」、「玩電腦，有靈感」等等，笑到喊
其餘省略.......
ENG，好耐冇上過Miss Lai o既英文堂
好清楚咁解釋左，上左3年英文，終於明左第一樣野
唉~中文要上禮堂「企」
好辛苦呀~平時隻藥都唔夠勁!!
要人扶，好似變左個廢人咁
3D對3C班籃冇睇，要上去禮堂採排「信Team」唔知乜鬼野
太「開心」，可以同李明陽一組
佢好煩，比D意見，全組都冇個明白
為左比隻腳休息，我至少要半個星期唔打波~

心事重重呀~點算好

照舊多謝同學對我o既關心~
 

生活教育真係正，睇片&傾計~
PE堂，群眾壓力之下，聶sir肯比我地練籃球，下堂先跑9分鐘~
省略......
物理堂，開始緊張~雖然班籃仲有幾個鐘先開始!!
手心冒汗，心跳加速~
彤彤比左張紙巾我，好快就濕晒~
放學打班籃，射波時覺得自己不在狀態，有D驚
半班為我地打氣，「多謝晒~」
一開始，輸到7:0，之後好彩入番球。7:2
見形勢唔對路，即刻叫暫停~
抖番陣，好番D
追到7:6
但阿強呢個時候入左球3分波，頂~10:6
之後好彩，我都入左球
助攻相幾靚下，不過我都係應付唔到佢地o既人釘人戰術~
令我好佩服，20分鐘全跑~
最後輸16:10~唉!!!
Miss Kan吹左我4球double~
我承應有一球係double~
但其餘3球真係冇，係人拍到個波，我先再拍~真係無辜
比賽完，雖然同佢地講:「好波，要拎冠軍...」之類o既說話
但休息時先發覺，原來自己係好唔捨得~
我喊左出黎，但唔知點解好似又有幾個人一齊同我喊~
仲話關我事~唉!! 某部份都關o既
上到課室，仍然好唔開心，腦海一片空白
對唔住~對唔住你地，亦對唔住自己(唔好叫我唔好講對唔住)
最後一年都贏唔到~

成:多謝你o既幫助~
鋒:多謝你o既勇氣~
FB:對唔住你，我信你唔到~我真係做唔到
軒:多謝你o既嘗試~
彤、欣等人:多謝你o既安慰~
3A班:多謝你地o既支持同鼓勵~

下次再努力!!
We are 3A !
上下一心~