今日勁ｈｉ呀∼咁今日就去海洋公園啦，之後呀我、姐姐同埋姑姑姐去玩ｄ機動遊戲啦。我地第一個玩既係「太空摩天輪」，都幾好玩架！初初轉果陣都冇乜野既，之後越轉越快，我就越轉越ｈｉ喎，總之就好玩啦！之後我地玩既就係「滑浪飛船」，初初好無聊架，又慢喎，好平凡架咋，之後滑到去一個類似山洞啦，之後就「ｓｉｒ」左落去啦！嘩！姐姐個身仲有少少濕濕添呀！果陣呀個離心力幾勁呀，仲有ｄ腳仔軟呀！我地跟住就去左玩「瘋狂過山車」呀，我同姐姐仲要係坐最前面喎，都幾好玩架！之後我地玩果個係「極速之旅」啦！乜黎？咪就係跳樓機囉！我玩都有ｄ暈暈地呀，咁初頭呢就升上去啦，之後就無端端就會跌左落黎架啦，第一下離心力最勁呀，成個人好似飛起左咁呀！之後我地玩最後一個機動遊戲係我玩得最最最最最最唔開心既機動遊戲呀！咁我地玩既係「越礦飛車」，我地排隊排左勁耐呀，咁就到我地果陣姑姑姐同左姐姐坐，之後我都唔知點好，之後ｄ人話前面有個位，仆街，點知同ｄ麻「ｌｕｃ」佬坐喎 ，全程都玩得勁唔開心呀！不過都幾好玩既！唔計玩「越礦飛車」果陣喎！
，全程都玩得勁唔開心呀！不過都幾好玩既！唔計玩「越礦飛車」果陣喎！