真的很久沒來了

今天中午小朋友補習請假,  在家渾渾噩噩便突然想起這裡

還真是歷久不衰,  不知不覺已經把七年的心聲也儲在這裡

好old school 仲用緊QOOZA

這一年來,  我諗左好多好多野, 

亦同時靠自己解決左好多個心理問題,  的確係唔同左

生活上無論壓力幾大都好  心裡感覺真係輕鬆自在

不過你同我都知, 問題就一定天天發生,  只差在你用甚麼態度去面對

以前每當有問題發生, 我總會先抱怨一輪, 把問題放大

現在我寧願解決問題都唔想抱怨一句 , 隨緣看結果

至於有些問題啊, 都係老問題啦,  

基本上始終會有些人會誤解我個性和為人, 

所以我都見慣不怪

但我真係唔會去同別人多加解釋澄清自己

你覺得我係點就點~

人地都誤會得我 , 難道我唔會覺得踎低講野好辛苦? 係咪先~

我成日表面都會將 " 多你一個唔多 , 少你一個唔少" 好冷漠今掛係口邊

但其實真正內心又點會真係今諗呢

我好珍惜每個朋友 , 但當別人誤解我性格而選擇離開, 

今諗先唔會變成一種遺憾和負擔 , 可以放開懷抱 , 忘記對方

大家都係今上下既年輕人, 

但受不同成長背景, 經歷而想法上有所不同

既然唔岩key , 咪唔好行埋囉,

如果因為今而唔開心 , 感覺好白癡

以前真係好弱智

停停走走去去留留係一件好平凡既事

合則來 , 不合則去 is okay

 唉~ 快快手手讀完書啦~  

因為我真係好唔中意成日要考核

感覺好纏人

啊 ! 其實打字真係好鬼煩 , 

下次再有心情 , 可能會以拍Vlog既形式

   不過重點係等我再有心情同時間先啦 ~~~

想說.... 上月

一段闗係結束了

今次沒甚麼心痛

大概是我已經對一個人失望到無感了

我只想說

等待着別人給予幸福 , 而不懂給予別人幸福的人

或許......往往都不會過得怎麼幸福

當然這可以是廢話 , 也可以算是給這種人的啟示

別人問我點解可以將三年感情放低 , 而唔痛唔悲傷

因為我知 , 我一直學習如何做一個稱職男友 , 一直進步

用心與對方溝通 , 磨合

甚至乎比埋家用對方

結果換來一句 ,  " 我好似已經唔再中意你 "

而呢個情況 , 我無得揀 , 眼前只有一條路

但好多謝對方最後肯同我坦白

也算是對一段感情保留一點最後的尊重

我也希望對方能夠打破不可能, 能夠找個比我對佢更好的人

我祝福她

不過而家生活過得真係幾開心

日日係U都可以同班fd 一齊上堂 , 一齊吹水

夜晚就晚晚都chris 游水減肥

唔係講笑 ~ 肚腩真係細左 , 連唱歌用氣都長左

都知仲係肥嫁啦~ 慢慢游慢慢減啦 XD

幸福本非終點

磨合大概也是無可避免

我是一種希望病到免疫的人

因為我知 , 痛到最後,

我會笑出來 :)

兜兜轉轉總算升返上大學

雖然唔係咩好厲害既大學

但都算係讀local U  , 可以有個degree在手

縱使半張入場卷已到手 , 但我也不會天花亂墜地妄想

因為這是基本的第一步

人無遠慮 , 必有近憂

讀書為工作

  現在我又更接近社會大學多一步了

現在的我還坐在一間小小補習社做老師

充其量只擁有自己一張教師桌,

每天對住一羣無心向學 , 浪費父母金錢的小畜牲

每天改着那些充滿低能知識的卷

如果只談過活 , 談薪水 , 這裡絕對是很好待遇

但講屬於我領域的工作經驗 , 這根本談不上

或許這次是我最後一次接觸補習行業了

接下來的工作我會真的出去拿一些屬於我領土經驗

每個人都有自己的目標去慢慢追逐

由小到大

做甚麼也好 , 幸運之神總不是我的伙伴

我做甚麼也得靠自己的實力

 都二十歲了

我們總不能傻更更地過活

這是我們該要想的

今就二十歳~

今日原本想買件西裝外套獎勵下自己

唉 , 款到揀好 , 錢都禁埋出黎

著上身型到自己都忍唔住讚下自己 

可惜隻質料真係好易皺....

放棄~

個種雀躍既心情立刻down到...

不過算la

總算係過往一年裡面將自己發揮得唔錯

    要繼續努力

珍惜別人給我的機會