今日,有開心,都有唔開心~
點解!? 睇落去咪知囉~^.^
-----------------------------------
唔開心既係""
唉!今日我08:45就要起身~
哈,你可能會問:[哇!世界變呀!?咁鬼懶既蔥頭竟然咁早起身!?]
你估我想咁早咩~
你估我唔想瞓係張床唔起身咩!?
不過,補習Miss要我10:00上去慈雲山補習喎~=.=
唉,都考完三個好重要既試啦~
就算話要準備下一個試,都要比人輕鬆下架!?
不過真係險呀!!!!
我差D就要留係到3個鐘呀~
幸運....真係幸運~
------------------------------------
好啦~唔好講D唔開心既野啦~
------------------------------------
開心既係""
我地放咗補習之後~(我地係指:我,坤仔,陳伯,姚寶,黃而賜,黑炭頭~)
我打聽到原來班男仔諗住去踢波~
姚寶問我去唔去~
我話:[吓!?你地踢波,咁我做咩呀!?]
佢話佢地同我玩一陣先~之後先再踢~
咁我問完媽咪之後~
就拉埋坤仔一齊去玩~有個伴嘛!!!
之後~
我同姚寶,坤仔去接黑炭頭~
而陳伯同黃天賜就上番自己屋企...食野... =.=
我地四個就係中央球埸玩陣先~
(玩鯊捉,好采冇捉我 好采...好采~)
哈哈...死啦!!
玩到2:00坤仔話要走,同時陳伯佢地都黎咗~!
咁我咪得番自己一個女仔!?
算啦~當你陪下佢地啦~
不過我要係烈日當空之下等佢地~
哈哈~好采我有帶書黎睇~(我好醒呀!!)
佢地玩咗一陣~我又睇咗一陣~
黃天賜就話要走啦~(個足球係佢既,佢就帶走埋~)
咁班男仔梗係冇得玩啦!!(哈哈,我有救啦!!!感謝神呀~)
姚寶問我而+想去邊個~
我話不如入慈雲山中心行下~
行下行下~
我地見到5樓有個公園,咁又玩啦~(又玩鯊捉...幾好玩哇~)
跟住玩咗一陣,我媽咪黎咗~
我地五個就一齊去食野啦~(五人指:我,我呀媽,姚寶,陳伯,黑炭頭~)
我地四個細路坐埋一齊,就梗係打黎打去啦~
食完啦~
我地話不如一齊去行山啦~咁我地又行啦~
一路行,超多蚊呀~
D蚊係咁嬲住黑炭頭隻腳,差D就針到啦~
好采我地幫手係佢隻腳到好大力咁打死D蚊~(我地真係身手靈活呀!!!!!)
行到上山~
陳伯同媽咪一齊打羽毛球~
而我,姚寶同黑炭頭就數下自己比幾多蚊咬~
黑炭頭竟然得好少蚊懶~(早知就唔幫佢拍蚊啦~=.=)
臨落山既時候~
我地擇咗D竹仔黎玩~
黑炭頭果支好長~
不過有一小部分折斷咗!
佢就好似釣魚咁係我後面攞住支竹帶住我行~(超白痴~)
跟住陳伯又跟住咁做~搞到我到唔知行咗去邊~
落緊山既時候~
我同黑炭頭突然好快咁跑落山~(唔理陳伯同姚寶~)
不過最後都比姚寶追到~
佢捉住咗黑炭頭~可憐....(幸災樂禍ing)哈哈~
19:15~我地落到山~
大家就散Band啦~
我好眼瞓啦~唔講啦~88 啜啜~
 
[ 姊弟 哈哈~!!!] [四個傻人~^^]
|
