千與千尋 , 哈爾移動城堡 , 天空之城 , 龍貓.. 等等
相信無人唔識.. 而且 相信仲係好多人心目中 佔左重要位置既日本動畫片..
當你以為 卡通動畫 有咩咁特別?
有欣賞過吉卜力動畫既朋友, 一定會知道 動畫入面既奇幻國度
其實暗藏住深刻寓意.. 往往會將人既靈魂 帶去更深層次, 同埋體會到好多哲理
( 而且動畫片入面既場景 實在太靚太懾人.. 好多套 我都睇左超過1次 )
《吉卜力的動畫世界》香港站:: 分左8大展區::
《龍貓》::《天空之城》::《魔女宅急便》::《飛天紅豬俠》
《百變狸貓》::《幽靈公主》::《千與千尋》::《哈爾移動城堡》
就由我最愛既 《千與千尋》 開始介紹吧 : )
我一直都覺得 呢套係一套十分適合 大人睇既動畫呢
(右圖:: 動畫片入面 服侍日本八百萬天神清洗淋浴既 "油屋" )
以奪去其他人名字, 令人失去自我既油屋主人 .. 湯婆婆
場景實在造得十分逼真, 氛圍亦令人覺得走入左神秘國度...
( 每個展區都會播返相應既動畫音樂.. )
哈爾既城堡, 帶我地進入哈爾既世界... : ) (呢個城堡真係郁緊架, 只係睇相睇唔出咋!)
《哈爾移動城堡》
被女巫變成左90歲老婆婆既蘇菲, 同埋城堡既動力來源:: 卡西法 !!
好經典, 好有代表性.. 相信就算無睇過 都會識唱佢首主題曲既:: 《龍貓》 ~
( 落雨場景 .. 好逼真, 聲音同光線 都運用得好好 .. 好有feel )
好想入去同草子, 次子追逐一番啊 >v<
《魔女宅急便》
除左大型立體裝置之外, 場館入面仲有唔少呢一類Box Art係牆上呢
Size細細但係所有細節位都造得好精細, 好靚啊~~
雖然我無睇過《百變狸貓》 , 但係感覺角色全部都好可愛呢~~
小朋友應該會好鐘意見到佢地^^!
1992年上映既《飛天紅豬俠》,個陣我應該得3歲 XD
但係藍藍天空真係好靚, 加上舊式飛機.. 令人好想知道呢個故事講咩呀
又一個經典::《天空之城》
立體既場景 令人好似真係走入左呢一個世界入面... 好嚮往 : )
《幽靈公主》
「不要緊, 你在森林, 而我就留在煉鐵工場, 一起活下去吧
我會騎羚角馬去找你的」
每一個角色, 每一個場景 都有震撼既感覺
原來全部都係由吉卜力工作室原班人馬打造, 仲有日本工作室團隊專誠黎香港監督組裝
仲親自逐筆繪畫同埋調校效果
務求將最原汁原味既吉卜力呈現出黎... 日本人 永遠都係咁一絲不苟
真係好值得黎參觀一下 : )
參觀完之後, 仲可以去souvenir shop揀精品呢~
有過百款啊作為fans真係心心眼! 仲要有香港站既期間限定紀念品, 可以重點睇睇呢!
活動詳情
日期:: 2019年8月3日-11月3日
時間:: 11:00-22:00
地點:: Portal 6311, 九龍灣常悅道18號
網頁:: www.ghiblihk.com
查詢熱線:: +852 2314 4228
票務：Cityline 、Trip.com、KLOOK
( 大概每位睇過吉卜力動畫既你 .. 心中一隅都有一片片吉卜力既幻想世界 )
