話說 每次去関西 都一定係住係 心齋橋商店街附近
一落樓就係購物區, 多野食 多野買 又多野睇
但今次想了解多少少千年古都:: 京都! 所以決定係5日4夜既関西行程中
抽兩晚住係京都既酒店啦~~
今次揀既 係呢一間位於 京都 四条烏丸 既Hotel Monterey Kyoto : )
( 之前有朋友住過呢一間酒店既心齋橋店 之後推介我地呢個酒店集團呢 )
酒店外表好普通, 不過一踏入lobby 就即刻感覺到 濃厚既古堡氣息, 而入到房間又係另一種風格
係好特別, 亦都令人感到好舒服的一間~
步行距離::
1) 地下鐵 烏丸線．東西線 烏丸御池駅 6號出口 ∼3分鐘
2) 地下鐵 烏丸線 四条駅 ∼8分鐘
唔算特別近鐵路站, 又唔算特別遠,係可接受既腳程~
Lobby係真係好靚.. 親身去睇係靚過睇我d相
係大門入去後, 你會覺得好似好多條路比你揀咁, 令人好有好奇心
好想探索下每條路係會通去邊度.. 事實係::
一條係通往小教堂既路 (係! 酒店入面有教堂!!)
另一條係去lift lobby/ 經lift lobby去古典風餐廳The Library既路
第三條就係通往check-in counter既路啦~ : )
第一站去既Check in lobby已經比人好好既第一印象
環境高貴典雅, 櫃台人員主動同有笑容
counter旁仲有紀念品賣 (價錢唔平, 但係齋睇都賞心悅目)
而櫃台人員既英文值得一讚, 相比起大部分日本人既英文水準, 算係幾高!
呢度就係通往小教堂的路 ~
白天的小教堂
晚上的小教堂
而第三條, 亦都係每位旅客一定要經過既路:: 就係去等lift上樓既lift lobby之路喇!
而lift lobby隔離亦係G/F 間西式cafe既其中一個入口呢
係門口望到入餐廳 真係好有古典氣息同埋有少少神秘感
連架lift內部都非常有古典氣息, 而且total有4架lift 為住客慳返唔少等lift時間!
出lift後見到, 每一個客房樓層 都要先拍房卡 道玻璃閘門先會開呢~
令住客更加secured ~
今次我地住 Three Single Bedroom : )
(補一張: 連走廊都好有氣勢!____!)
一行入房 係好鮮明既紅色主題
無論係房間既牆壁定係燈 都好有馬戲團feel !
呢度用既主題係 英國北方的蘇格蘭藝術工藝風, 難怪一踏入黎
有d似去左歐洲既感覺 ~
三張床並排, 每一張size都偏大, 而且枕頭係一硬一軟~
配合到唔同人對枕頭既需要啊
房間設備好齊全 重點係夠晒位放我地1大1細行李gip有餘~
有衣櫃 衣架數目好足夠~ 不過房內無匣萬, 貴重物品同證件 最好都係跟身
房間既插頭位都唔少 大約有5-6個
每間房都有一部可以上網既smart phone可以免費用呢
仲有空氣淨化器 同埋祇園煎茶包
浴室都係同一風格, 勁靚 !!!
花灑位 有三個唔同高度既花灑座~
浴室用品包裝得好靚 感覺自己真係活左係古堡入面咁
毛巾有基本既手巾, 面巾, 同浴巾~
黎親日本 一定要享用下佢地既免治馬桶既 ~XDD
( p.s. 其實我好著重浴缸旁邊 有無呢條坑架, 唔好睇少佢, 有左佢, 去水真係好好多 )
酒店入面一共3間餐廳, 最靚最吸睛一定係地下呢間The Library
勁有古典氣息
雖然無幫襯 但都幫佢影左唔少相XD
MENU都影埋比大家參考
酒店內既休閒設備亦係幾齊全
連溫泉都有呢 不過價錢就唔太平 ~ 所以我地都無試到呀
我同屋企人上過去, 結果員工好有禮貌咁帶我地參觀左一圈
最後我地都係運吉, 參觀完就走左~
WIFI係唔使入密碼既 幾方便
由烏丸御池駅6號出口 行去酒店路上有一間LAWSON, 一間7-11, 同一間開24小時既超市Fresco
食物多款又平, 我地晚晚都係呢度買水果 ~!
總結 酒店環境同服務都一流, 酒店周邊買野都好方便 : >
不過附近既餐廳就唔算多, 要食野都要行遠少少
又或者係其他地方食完飯 先返黎, 驚會餓既就係附近既超市買定d小食上房啦^^
Hotel Monterey Kyoto
酒店官網: https://www.hotelmonterey.co.jp/en/kyoto/
地址: 〒604-8161 京都市中京区烏丸通三条下ю饅頭屋町604
〒604-8161 604 Manjuya-cho, Sanjo-sagaru, Karasuma-dori, Nakagyo-ku, Kyoto
附近景點: 花見小路
入住日期: 17/12/2018 check-in, 19/12/2018 check-out (3d2n)
|
