好耐未試過為一個人去整一個bg..profile pic係今日特登為你而整架..今朝醒返先醒起我06年個陣睇過一本07年既運程同今時今日既情況真係有少少似..今日睇返..發覺有大部份都中晒..
天秤座07年無論係邊方面都需要女性長輩既幫忙，好似結左婚既朋友，屋企既年長女性例如外母，奶奶等。佢地幫到你解決任何方面既問題，可能係同老公老婆吵架、冷戰、唔識同對方溝通，甚至可能搞到鬧離婚等等，呢班年長女性都會俾到你忠告同實際幫助，幫你地度過難關。所以，係07年，無論係男係女，都要好好地對待屋企同埋另一半家中既女性長輩，有咩問題就同佢地講，唔需要怕麻煩。如果你連佢地都唔講、唔信，咁就再無人幫到你架啦！天秤座今年既桃花運係有啲偏桃花，即係雖然會結識新朋友或發展戀情既可能，但呢啲戀情可能係不被接納，即係可能係第三者既戀情。愛情上，今年可能會有好多動盪，情路會比較不安，需要冷靜處理。尤其係係9月之前，有伴侶既天秤座真係會因第三者既問題而同本身既伴侶產生好多摩擦，故此一定要冷靜處理，兼且理性咁解決問題。雖然愛情上天秤有啲偏桃花，但係工作上就會從呢啲人氣同人緣得益，令事業更上一層樓。今年既天秤人緣持續旺盛，經常有機會接觸唔同既人，透過佢地既人事關係同社會脈絡，得到更佳既發展機會。之不過，人緣多是非亦多，會有一啲流言同傳言纏身，你一定要學習從容面對，否則會被呢啲是非影響到自己同其他人既關係。
07年最MATCH星座：雙子、金牛、人馬(你咪係人馬座囉)、獅子
其實我都唔多信架..但係裡面真係有d中..最MATCH??但係點解而家都係要冷靜期..算啦..我明你點諗既..我會一直等你..為左我地既將來過得更好..我地要更加努力.. |
