係而家依一刻,我真係好想自己係一個大人...
我好想有自己既決定權,去邊度玩,去邊度訓,都可以由自己話事.
我明白父母對自己既擔心.
怕自己會做錯事.
但係係咪應該比番小小信任我呢?
父母唔信任自己,其實真係會好傷.
我知道,做錯左1件事就唔可以番番轉頭.
但係咪你地永遠就驚我會做錯事而永遠都唔相信我?
父母往往都認為自己係最了解子女既人.
但係其實往往父母會張自己認為一切係自己覺得對既野,就放左係子女身上.
咁就認為自己咁樣做就係了解佢.
其實最了解自己子女既人係佢身邊既朋友.
子女有心事,有幾多個真係會用父母講?
有係有既,不過唔多囉.
多數都係會同身邊既朋友講.
所以其實父母根本就唔係最了解子女既人...
好多時子女諗咩佢地根本就唔明白.
覺得佢地所做既一切都係錯既,自己諗既就永遠都係岩既.
點解父母唔嘗試下係子女既角度諗下呢?
唔好成日都話,我都有過好似你咁既年紀,你諗咩我會唔知?
時代唔同,思想都會改變,唔好永遠都係用自己既一套.
人係需要改變架.