今朝早我又遲出門啦

搞到polly又要等我

唉~實在很對不起

冇計啦~習慣左做野慢吞吞

之後我同polly又搭的士

估唔到呢次好多人都搭taxi(唉~真係救命牙)

咁我地唯有等啦

跟住撞到lilian喎

佢真係好彩啦

順便一齊搭(省時間嘛^^)

後尾到係遲左

咁我地唯有請早會假啦

不過polly都係決定唔返學

真係唔應該啦

雖然話係我累佢遲到姐

但係都唔可以唔返嫁

遲到都好過唔返牙嘛

跟住返到學校kit chan第一時間審我(都估到佢嫁啦)

佢問我做咩事請假

唔知點解我好順口就答肚痛

跟住佢話我講大話(咁快被佢識穿,我講大話既技術有咁屎嗎??)

我個人都幾要面,佢咁講我當然死都唔認啦

後尾都係投降....

英文堂個陣

terry居然調位

佢調位都唔緊要

最重要既係佢居然調走小雅><(太過份啦)

調走左小雅之後

唔知點解靜左好多

仲好悶添牙

放學個陣小雅佢地黎搵我(真係好啦^^)

之後我地一齊溫書

小雅同我同helen講經公

事關我同helen都唔明所謂個d供需圖

經過小雅既一番解釋後

我已經明左好多了(我真係聰明啦^^)

polly唔返真係走寶

上少左咁寶貴既一堂牙

之後我地就一齊返屋企啦

返到屋企之後一開門第一眼見到既係我舅母

我先諗起媽咪同我講過舅母同表弟都會黎

跟住我就見到那煩人的表弟

基本上我都幾鍾意小朋友既^^

乖既小朋友我更加鍾意^^

不過我個表弟例外==

因為佢係一個特級麻煩友

上一次佢黎屋企都已經搞到好麻煩嫁啦

佢又成日喊又鍾意搞破壞

最重要既係佢成日都打人

不過呢次都比上次乖左好多

所以我都會同佢玩

好啦......今日就講到呢到先啦