今日~終於睇左<<惡人>>!!!!!!套電影係香港上影嗰時已經想去睇,點知得UA有得睇.........而且上左一個星期已經冇時間好揀,所以我地係戲院緣慳一面........今日終於比我等到佢出DVD啦~雖然係日文版-3-

想睇哩套電影完全係因為個故事~仲要係yahoo嗰啲簡介.........因為男主角啲戲我無睇過,女主角淨係聽過個名~不過就比個故事吸引啦!!!!

當初真係想知男主角佢係唔係真係殺左人哩?!就算真係殺左人會唔會係有咩誤會呢?!因為睇戲多數主角都唔衰得去邊架麻......-3-

基本上我覺得故事節奏係有啲緩慢嘅,而且對白又唔多!!!加上佢地講嘅係當地方言,有時我懷疑自己睇緊咩國家嘅電影不過,我仍然覺得佢好有吸引力睇到最後~~~

從一開始男主角所做嘅野都係好事,就算到佢真係殺左人,都唔覺得佢係一個壞人,因為真相嘅背後唔係人人都知道!!!反而嗰啲好似無罪嘅人就覺得佢地先係衰人,不過都唔係人人知。-3-

成套戲2個幾鐘,果然唔夠交代好多情節,好似男主角祐一一家嘅情況~講啲唔講啲咁~有好多我都睇唔明-3-不過就明白到最後祐一佢想殺死女主角光代,女主角害怕嘅表情和被警察捉走嗰一刻祐一唔捨得光代時嘅情境........祐一係想保護光代先咁做,令佢唔洗成為共犯同令佢真的認為佢係一個壞人哩一點我就睇得明-3-因為男主角做得太好啦哩段,睇到眼淚又自己流咁..........呀!!睇到哩度好心痛呢

到最後女主角講左句"這個人一定是惡人哩........".唔知佢知唔知男主角咁做係為左佢哩???唔知就太可惜啦-3-因為我係本住女主角係相信男主角咁去睇架-3-果然世上係冇咁嘅故事!!!!!!

而家真係好想睇書啦!!!!!