早前公司要我地填一份對自己工作嘅評價,當然有問對薪金同工作上有咩要求啦........

填嗰時真係唔知寫咩,不過有個渠道講出自己嘅意見當然好好啦。今日jecfrine 就叫左我地續個咁傾下啦!!!!!!

講真,對我而家做緊嘅野,我覺得就算出去再揾工,我唔覺得可以用得著-3-因為哩個system唔係間間公司都用。不過自從要負責哩樣野,發覺自己理解能力都幾好,因為我係本住要知道自己做緊乜嘅心態去做, 所以會好徹底咁知自己做緊咩。但另一方面,對問到其他我諗過嘅野時,我完全無頭緒,反而其他高級同事就諗到,果然係勁人!!!!

自從由12月開始話用新方法去做,直到今時今日都仍然係探索階段,花左好多時間去嘗試,今日收到e-mail話我地唔用哩個方法啦,改返用之前嗰個啦.............對於咁講,我沒有一點怨言~~完成ok,我接受!!!!!margaret"登"我唔抵,因為搞左咁耐得個零~~我都唔知係睇得太化定點啦,亦冇覺得唔抵,就咁接受左啦!!!!!可能錯不在我麻...........

之後講起對而家工作上有咩要求!!!我已經覺得好滿足,因為冇讀過account 就做左個title 叫account clerk 嘅職位,我都唔好意思。所以如果係有幫到手嘅地方我就好開心,雖然係打雜一名XDD不過我好中意我嘅同事們,起碼出門返工果一刻係開心的出發!!!!!!