上次講同小學同學去食左個飯之後,我地約左今日去踩單車!!!不過~係一個唔明智嘅選擇 今日真係曬死囉!!!個太陽勁猛,雲都冇一舊!!!真係有小小想打退堂鼓.........

到左最後都係租左單車出發,原本以為我已經好癲喪,原來一山還有一山高!!!!佢踩得超快囉~~原本係我面前都見到個人,踩左一陣人影唔見左.....-0-""最後係路邊小食攤到等,諗住落車休息下,點知一落......大件事!!!頭暈 真係唔得,要坐一坐!!!之後喪飲水同坐左陣,因為一坐低個人就好好多,同埋果度真係路邊黎,所以你一定要踩!!!!!!

之後上車踩踩下就冇事啦!!!好彩~~可能唔夠水份。咁一路踩,我個fd佢原本踩係我後面~點知一陣佢又再不見人影,因為我地個目的地係大美督!!咁都係得一條路去.......所以就自己踩啦 感覺良好,但真係太曬.......好不容易到左,係一間餐廳等!!!!冷氣~~我愛你今次竟然用左2個鐘就入到去..........太快啦!!所以先頭暈-0-

食完lunch上左堤壩!因為一場去到,不過你唔會有心情睇囉........真係上去望左兩眼就回頭啦,不過又真係幾靚!!!!

回程其實都係一前一後咁踩~~之後電聯XD一路咁踩,已經發現自己黑左好多!!!!!!!oh...no

快到科學園先4點~~之後接到佢電話,原來佢係後面嘅地方等......我過左啦咼!!!! 咁我就揾個地方等下佢......見到有兩父子去釣魚,爸爸正要落馬頭,叫仔仔去踩下單車先,突然仔仔大叫話唔見左副太陽眼鏡.......之後個爸爸好冷靜咁同佢講...."係你個頭上面"XDD原來哩啲事係現實真係會發生架,好好笑

之後係嗰度休息左半個鐘,見到有人帶鸚鵡黎曬太陽睇左一陣就出發啦.......不過哩一刻對腳已經冇力踩!!!!上斜我已經冇力上,要落車推...........終於...終於到左起點,累到不是人,而且汗味好重=好臭!!!!!諗起人地成身汗上巴士嗰陣味,不過我發誓我一定冇佢地咁臭.........之後搭84M回家~~一直都知有哩架車,不過唔知點解每次踩完都走去搭85M........明明84M係正我樓下落......真蠢!!!

回家即沖涼!!!!*0*真係曬黑左好多,尤其係我對手掌加手指.......而家係紅囉,好核突 好彩塊面冇乜黑到,因為我將一年要塗嘅防曬都用盡咁............可想而知我塗左幾多!!!!

雖然係咁,不過可以去踩單車都真係幾開心嘅!不過請比我休息返一排先-3-