萬聖節同左叮寶去睇戲!!!!應該話係佢同我去睇~~~哈哈!!!而且仲好抵添,嘿嘿

成個故事都好緊湊!!內容係話人類可以長生不老,當你去到25歲嘅時間你嘅時間就開始倒數,咁你就要去做野賺取時間啦!!!!!!而用嘅貨幣係時間,搭車要比時間,食飯要比時間,房租都係比時間........會覺得自己隨時冇命囉!!!!

咁就講男主角佢因為救左個擁有一百年生命嘅人,而嗰個人毛將自己果嗰一百年命送左比男主角~故事就咁開始!!!

開始冇耐最令人深刻嘅就係男主角同佢媽媽!因為佢媽媽得返個半鐘命,只要佢見到男主角就可以比啲時間佢媽媽,可惜因為冇時間去搭車,最後要跑去見佢!!只係差幾秒,佢媽媽就係佢眼前死左啦.....有一刻想佢地趕得上,不過都知一定唔會!!因為係咁就冇戲唱-3-

之後男主角去左有錢人區,遇上千金小姐女主角~之後就講佢地點樣去破壞呢個時間制度嘅野啦!!!!總之佢地就係要受時間競賽,係咁跑跑跑........好累~所以會冇悶場!

睇完之後我覺得佢想講有錢人控制左成個社會,但又冇辦法令到人人平等,因為當平等嘅時候,就會冇晒秩序!!!有啲野佢都帶到出黎都幾啱嘅........

不過最令我疑惑嘅係佢地會唔會生病呢?!哈哈,同埋同你知道自己幾時會死嘅時候~其實都幾無奈-3-