因為最近作文要介紹喜歡的日劇, 《交響情人夢》哩套劇即係出現係我腦入面。

原來電視劇已經係2006年首播,已經6年了。之後08年有sp, 10年又有電影, 真係追左幾年,我連漫畫同動畫都全部睇晒!!!! >w< 因為實在係太喜歡了, 最近哩個星期,我又開始重新睇一遍。

哩套劇對我黎講真係有好大吸引力, 除左表達方式生動,製作又認真, 最重要係角色劇情中正我中意的。理想中嘅對象~~~千秋さま！！！！ XDDD

其實係羨慕のだめ同千秋佢地兩個一齊向目標努力嘅感情, 仲睇到千秋王子慢慢走入變態森林!!! XDDD 雖然一直都係のだめ單方面咁表達喜歡, 嚴重啲黎講可以話係死纏爛打, 不過最後嘅最後, 佢地終於開花結果, 真係好開心架!!!尤其係千秋係 SP 1 入面, 佢抱住のだめ,慶幸自己遇上佢之後就盡是好事時, 終於有一種 「佢地終於叫一齊啦」咁嘅感覺!!!!!!! <---哩段睇左N次 XDDD (仲有玉木宏做得太好 XDDDD)

之後嘅劇情都係有點悲傷嘅感覺,因為佢地好像漸行漸遠~~睇到人地心痛, 直至到のだめ出走失蹤, 千秋先發現最重要係のだめ同佢一齊嘅未來, 聽住千秋自己嘅讀白, 真係令人眼濕濕~就算のだめ不能成為演奏家,只要係佢做自己中意做嘅野, 自己係佢身邊就好~~~真係已經成為我心中經典嘅對白!!!!!!!!!!!!!!!!

但再一次聽到のだめ彈琴, 佢仍然想帶のだめ上世界嘅舞台, 因為千秋仍然十分喜歡のだめ的鋼琴!!!!!!!!!!!之後兩個人再一次合奏, 尋回當初相遇時的情境<------睇到想喊(淚線太發達 T︵T)

電影最後有小小佢地之後嘅生活, 有一齊去買樂譜, 一齊食飯, 一係散步哩啲溫馨場面, 睇到人心裡暖暖的 總算完美啦!!!!!!漫畫仲有多幾話嘅番外篇~~~~^^

可能係我一直都好憧憬這種互相支持, 將對方放入自己心裡嘅感情, 就算像千秋對のだめ咁,從沒有一句我愛你或喜歡你嘅話語, 但所做的一切不是已經比一句話語多更多嗎???