第三日!!!終於到左此行最重要之日~~~~

因為今日可以隨意走走,所以可以瞓到9,10點先起身!!!!好難得去旅行可以咁遲起身~~~~出去食早餐,去左一間叫excelsior cafe~~~果度o既皇家奶茶真係好好味!!!!食早餐時佢已經落雪~~~好興奮。

果日原定就只係行狸小路~~~就係日本商店街。可以買下手信,有比較平嘅衫同鞋~~但唔好期望會好靚就是了!!!!!!雖然狸小路佢好長~~~但可以睇嘅野都唔係好多!!!所以中途轉戰左去g.u.~~~係g.u.到大出血!!!!!!!!!!!!!買左好多野, 其間果邊有d家庭用品店, 賣嘅野都好有特色,完全可以增添生活品味~~~~~

有打算去睇下漫畫精品~~去到發現都冇fairy tail 嘅野....我真係想知信和果d係邊度入貨......﹁__﹁

太約2點幾3點,打道回酒店放低野就出去食野啦!!!!!!因為佢地concert係6點開場,要早d食~~~果日就去食左王將!!!!餃子真係佢地最好食~~~(其實香港都有哩間﹁_﹁) 基本上你行係街上,就會見到有唔少人攞住arashi個環保袋~~坐隔離枱係韓國人fans!!!!!真係好似全城慶祝咁...........

我地4點未到就動身去搭車啦......預早左2個鐘,點爬都去到掛!!!!!因為由札幌站去都只需10分鐘車程,再行過去用15分鐘~~~~~~點知落到車站....你先要排隊買車飛~~用左15分鐘或以上﹁____﹁我未見過部機係賣到冇晒車飛架囉!!!!!! 好彩唔係我地排果條..............之後落到車站~~~爆晒(情形就係打八號果時大家一齊收工衝晒去搭地鐵!!!!)上到車之後......迫死~~~不過全車都係女的....全車人個目的地都係一樣!!!!!!!!!!!!!!!!!!佢地開concert ~係要連交通警呀果d都要出動晒 *0* 好似仲有因為concert而加開嘅列車~~認真係大事!!!!!!

好不容易去到巨蛋個站.......先去買左回程車飛~~再去排隊去廁所!!!!用左至少半個鐘~~幾時都話男廁最好=3= 因為巨蛋出口已好多人,又要兜路去第二個出口~~~當順利上到地面行去巨蛋時,已經5點20分.........終於去到巨蛋時,我地個位係南區,最遠果區, 圍住左個巨蛋行左一個圈~~~順利入場坐好已經5點50分~~~~時間只係剛剛好!!!!!!!!!我地坐後場的第一排~~近中間偏右,已經唔錯啦!!!!

心情未準備好,未緊張夠~~~就開始啦!!!!!!!!!!!!!!!!!!!!!全場起身~~一黎睇一段片~~~5子就華麗地出場,我要大叫!!!!!!(可惜我同失聲無咩分別,完全叫唔到T.T)~~~出場歌up to you~~真係high爆........我冇人地咁勁記晒唱左咩歌又做左咩~~所以記得咩就打左先!!!

最先出黎solo嘅好似係相葉ちゃん~~~佢真係好有型,跳舞動作太好睇!!!加上今次選曲太好了~~~~leader solo 果時因為我喪咳~~不能好好欣賞佢唱歌.....(T.T)~~~ニノ又彈鋼琴,個大screen 有佢之前唱虹果時彈琴嘅畫面重疊!!!!! jun就係戴完popcorn頭套之後表現~~~係台上換衫,~~喪叫!!!!!仲有DJ MJ~~佢永遠有驚喜俾人!!!!!小翔solo就好帶動全場~~一齊揮螢光棒。

最令人印象深刻嘅有幾幕~第一, water screen!!!!真係好正,除左d落水係有字外~~今次仲係有佢地個影像係個water screen 到睇到的啊!!!!真係為之一嘆。尤其係唱リフレイン(估唔到有哩首,風景專輯入面最愛之一),個水幕+舞蹈, 每個人都撐住把紅色傘,成個畫面好美,同歌曲好配~~我仲留意到個大螢幕拍出黎係黑白色的,得把遮係紅色!!!!!

第二, 佢地戴住popcorn頭套坐住大氣球出場!!!!!哈哈~~因為佢地出黎之前要準備,仲播左段佢地變popcorn嘅有趣動畫。我諗哩個時候係離我地最近的了, 一過到黎就係咁同佢地揮手!!!XDDD 最搞笑係小翔唱lucky man果時改左做 popcorn man !! XDDD 佢仲要係咁打自己個頭~~~~哈哈,好搞笑。

第三, 唱oh yeah!果時,全場一齊揮手~~睇見真係好感動,因為大家動作一致,同5子一齊揮~~我一直一直最想感受就係哩種氣氛。不能不說5子真係好識同fans互動, 很多時都同觀眾有交流, concert唔只淨係表演唱歌跳舞, 要同觀眾有交流才是重點!!!!!!!所以嵐嘅演唱先會咁出色,我覺得哩一點佢地做得好好。fans全部都融入其中~~~

第四, 今場限定~~同leader唱生日歌!!!!!!!中間有笑料, 就係相葉ちゃん帶領大家一齊唱果時,佢一黎就唱生日歌最尾果句!!!XDDD 即刻俾小翔話佢, 叫人地點跟wor~~XDDD 相葉ちゃん真係好天然。另外就係唱到 dear~~~リーダー?大ちゃん??結果變左りーちゃん∼∼∼ 之後係talk part member就係咁叫leader 做りーちゃん!!!

第五, 今次有5首歌都係leader編舞的~~好勁啊!!!!不過leader佢自己竟然唔記得有邊幾首,全部都係由其他member講~~~佢仲有加入釣魚動作 XDDD 被member 吐糟。所以當佢地好認真咁跳哩個動作果時, 全場係爆笑的。

其他全場嘅燈光同舞台效果都非常棒~~當你睇完之後就覺得之前睇果啲不算甚麼,難怪很多藝人都要向日本嘅concert取經。

嵐嘅演唱會令人期待嘅就係talk part!!!!! 今次提到leader生日果時member都有send mail俾佢, 但都冇收到leader嘅回覆,問leader究竟有冇收到!!!!原來leader係生日前果晚去左釣魚, 唔小心咁掉左落水~電話都濕埋。雖然data係攞得返, 但已經唔知邊個打邊個~~~所以冇覆到!!!!!XDDDD

最後佢地ENCORE左兩次~~係第二次出黎果時,member 逐個講感謝嘅說話, 小翔係最後一個, 佢講完就一句 "解散"~~~全場即刻 "er......" XDDD 佢仲好抵死咁話唔好以為"er..."之後佢就會話沒辦法啦,唱多兩首咁.....解散解散!!!!!哈哈~~佢人真係好有趣。今場同我地哩邊最多互動嘅係小翔,帶領大家一係揮手最多嘅都係小翔, 哈哈~~雖然團裡最中意嘅係ニノ......不過真係有好幸福嘅感覺。 仲有大家一齊唱左wish~~~整齊程度一絕!!!!!!!!!

將近3個幾小時o既演唱會完左~~大家都好有秩序咁離開!!!因為演唱會效應,好多人都會走返去買con gd~我地都係其中之一,最後都敗左係最貴o既毛巾到!!!沒辦法啦~~佢地有披住麻...........

回去嘅路程真係唔係講少....因人太多,要節流~~我地足足用左2個鐘多啲先返到酒店!!!!!!!﹁_﹁ 是日宵夜......飯團!!!!第一次食左梅子飯團~~~好味!!!!!(基本上果日食咩都咁好食........=3=)

我地返到去第一時間係攞住啲 con gd黎影相~~玩左足足一個鐘先捨得去沖涼................

順便一提....繼續失聲中﹁____﹁