第五日,出發去函館!!!!由札幌坐JR去函館,要3個半小時~~~

哩日真係好高興,因為我最中意坐火車~~~(唔係香港果隻....=3=)一早就係酒店食尋日買的蛋糕早餐,好好味!!!!!!check out~~因為兩日後我地會返黎哩間酒店,所以行里可以放係到。時間只係7點~我地要搭7點半果班車!!!!!!

去函館沿途風景都好優美,而且有雪景,仲有一望無際,連綿唔知幾多公里嘅海景。佢條鐵路有一部份係沿海而建的~~所以望住個海會幻想下如果住係對住咁嘅海景嘅地方係幾咁寫意~~~不過現實係外出好唔方便（￣︶￣）

雖然個景好靚, 但去會周公子都好重要,所以有一大半時間都係瞓左!!!!!!!!!!!大約11點幾就到函館。立即去搭地面電車~~~到酒店時因為時間尚早,未有普通房間,但就可以每人加500円upgrade去ladies room。好啦,又幾抵咁.......入到房就慶幸自己有upgrade到。因為房入面有蒸面機,有按摩器,有雜誌,有兩張單人床,有kitty海綿,仲有唔同種類嘅茶包!!!!!太好了吧~~~夜晚回來慢慢享受。

放低野立刻出發去醫肚, 原本以為函館會同札幌咁~~繁榮......點知係錯架。我諗除左倉庫群果邊比較熱鬧,其他地方就係小鎮咁。我地行左一段路先揾到一間食肆, 沿途雖然都有食肆,不過佢地好似冇開咁.....﹁_﹁ 都已經12點幾,唔通佢地唔洗食嘅???

食飽之後就揾路上山, 出奇地好快就到。上到山先發覺我地忘記左最重要嘅問題, 就係我地要嘅係睇夜景....而上到山果時都只不過係2點.......=0= 結果我地就係果度行行企企坐坐到4點,等天黑.....而哩個時間亦愈來愈多人啦~正常呀.......大家都是來睇夜景的,尤其好多旅行團~~~~~我地即刻衝去望多兩眼就拿拿淋落山啦,因為真係唔係講少的.......凍。＜（￣︶￣）＞

係纜車站隔離果條街就係聖誕燈飾嘅開頭,沿住佢一路走就可以到達倉庫群!!!!!!!倉庫群果邊好有情調,加上係聖誕節就更添氣氛啦!!!!!而倉庫入面都係商店,好多遊客~~~~行完就等係揾野食啦,先發覺果頭冇餐廳,都係小食店.......餐廳群唔知係邊,所以都揾左一段路先到。食左回轉壽司,都真係幾貴下,而且你如果要落order紙,係要寫壽司名的........唔識日文咁點好呢?????

食飽就行返去酒店, 因為一啲都唔遠,而且抬頭就見到酒店,其實係因為其他屋都係2,3層啦,好難見佢唔到!!!!!!不過時間只係7點幾, 四圍已經好靜,好似深夜咁~~~~~幸好酒店附近有便利店~~~咁我地個明天的早餐先有著落!!!!!!

返到去就享用下佢啲蒸面呀,按摩呀~~而最好的係,房入面有wifi!!!!!!好感動,終於唔洗每日走去lobby啦~~~T.T

哩一日係瞓得最好嘅一晚!!!