第六天~~洞爺溫泉我來了。就是搭同一條JR線, 去洞爺站落車~~由函館出發要一個小時多。哩日又可以遲起身, 瞓到10點呀~~之後就慢慢行去JR站,因為是直路一條,我地又想去郵便局買郵票咼,所以就行過去啦, 用左大約半小時就到。JR站附近係有百貨公司的,不過好似都唔係好多人行~~可能係星期一早上啦。咁我地hea下就去車站。為左解決午餐問題, 我地就嘗試左火車便當.....出奇地好味!!!!!!!!!!!!!!!!!!!!!!!!!

洞爺個車站好細,一出車站就會見到去洞爺溫泉酒店個巴士站。正當我地猶豫緊上唔上車嘅時候,有個婆婆走過黎問我地係唔係去溫泉?我地話係呀佢就同我地講搭哩架就啱啦~~~仲好好人咁幫我地睇下係邊間酒店,話我地知係邊一個站落車!!!!!!真係感謝佢咁熱心

順利到達~~速速check in 上房!!!!我地間房係對住湖景,仲要係兩張單人床(<----你究竟要有幾開心﹁_﹁ 因為平時同fd去旅行要平都係瞓一張雙人床啦.....)所以join左哩個tour真係唔錯,幫我地book 嘅酒店同房都好好。因為時間尚早, 我地打算係晚餐前先去浸一次溫泉,所以去左湖邊行下啦~~~~

個湖真係好靚,加上四圍冇咩人~~你完全係可以係雪地上到跑!!!!不過哩個時間去就冇得上湖中間果個中島,上面有個好似動物農莊嘅地方可以參觀。另外又去唔到有珠山...因為上山架巴士會停駛,你只可以自己揸車去或者搭的士去..不過我好懷疑有冇的士......==所以我地都係乖乖地係湖邊玩下算啦!!!!!

我挑戰砌左個小小小雪人!!!日落時景色更靚~~~5點左右就返去房,準備浸溫泉去。女性專用溫泉係頂樓,因為第一次去,都有啲緊張,因為日本溫泉唔可以著衫入麻......（＃￣▽￣＃）但當你見個個都係咁嘅時候,你就唔會太介意~~哈哈,當堂好開放!!!XDDDDD 佢仲有個戶外溫泉,一出去勁凍,入到溫泉勁舒服!!!!可惜已經天黑,你係咩都望唔到架~~~~

浸完就去食飽飽~~休息完瞓前再去。根據先生所說,要浸夠3次先唔浪費~~所以明早再去!!!哈哈~

是日夜晚又飲左淡麗ビール~~最高でした！！！

不過夜晚咳到死,好似冇瞓過咁.......﹁_﹁