第8日, 身在大阪!!!今日去左インスタントラーメン発明記念館~~由細食到大嘅出前一丁同cup noodle,真係一個大及發明!!!!!!
首先要搭地鐵去梅田站轉搭阪急線去池田站。 梅田個大站好得意好有特色,因為一入閘就係月台,一架架車排係到,請自行揾車搭 因為哩日我地出門竟然唔記得左帶我地份地圖....所以完全係靠之前上網睇過下嘅記憶-0- 好幸運地我地成功到左!!!!!(其實一啲都唔難揾)
インスタントラーメン発明記念館係免費入場架,你會見到有好多學生團!!!!!不過其實如果唔識日文,你都唔會好有心機睇~基本上平時有中文都冇咩心機睇 =3= 志在參觀下!!!!!!!我諗最受歡迎應該係自制cup noodle 個杯!!!XDD 可以係上面畫公仔,獨一無二。加上佢會即場幫你入麵,可以自己揀材料同湯粉,最後見佢包裝~~~WOW~~多謝300円!!!!!
基本上人唔多,一個鐘左右就行完啦~~附近係冇野行嘅!!!不過好似有神社,原本打算去睇下,點知話走就走,完全係忘記左..............下午就返左去梅田站行街啦!! lunch食左coco curry!!!!XDDD因為佢有個限定蝦堡。梅田有多個商場,真係可以行一日的~~~友人咩子要去買鬆弛熊專門店,咁我就四圍行下........發現!!!!有 the bear's school 專門店 ~~~~大叫!!!!!真係咁啱揾到,事前完全唔知有~~~~係入面唔知睇左幾耐.......最後帶左唔少戰利回去!!
再行下附近個阪急同阪神......原來佢地係百貨公司 -0- 仲要極度華麗!!!!!(我一直以為只係電車名....真係孤陋寡聞) 發現有特價區~~~衝入去!!!!成功地又買左唔少野~~啦啦啦啦啦
最後因為唔知有咩好食, 返左去心斎橋食左個自助烏冬天婦羅~~~最中意南瓜天婦羅。
大豐收~~不過有危機!!!就係已經爆喼..............﹁_﹁
| 
