因為瞓唔著,所以同阿妹傾計~~~~講左好多野呀!!!!!!不過最令我地講得最興起o既係小學果d事!!!!!!哈哈~

小學的回憶........

記得以前都比人話過中意邊個邊個咁-0-""一定會比人話過~~而且話我中意果個係我表弟-.-""呵呵~而家諗起都好好笑呀!!!!!因為我地果時感情真係好好ga~~哈哈,我仲記得我阿妹同細表弟一齊話我地將來會結婚^0^哈哈!!!!!!細個果時乜都講ga~~~

仲有就係小三果時由開學起就日日喊喊左一個禮拜.......原因係我覺得個代課老師好恐怖同佢叫我做班長,所以我唔中意佢就喊啦!!!!!!到最後發覺我d朋友對我真係好好~~好感動咁又喊啦>>>而且喊完怕醜仲追住我表弟黎打~~哈哈,辛苦晒啦\^0^/呢一次係我記得以來係一星期入面喊得最多o既一次.................其實我真係好中意喊ga...........

仲有我試過比校長捉出黎對住全班係到鬧-n-""原因係我唔專心聽佢講野wor~果時上緊p.e堂.......掛住望對面果班上堂冇望校長-0-所以比佢鬧~~~~~自此之後我憎死佢同個p.e阿sir~~因為佢唔幫我-0-""

到左六年級去宿營.......唔知點解人地攞2袋野,我可以有4袋-___-"""不過,果時好興玩埋果d姨媽姑姐關係,咁我就做左阿婆啦~~~哈哈,所以果時有"孫"幫我攞野ga!!!!!!!!哈~,最記得當我手上得返一袋野時,有個"孫"佢同我講話佢幫我攞....不過我覺得唔係幾好o既,要人幫我攞晒,咁我就拒絕佢啦~~佢就話..."點解比其他人攞唔比我攞呀??"而家唔記得點答佢啦,而且又唔記得佢係邊個-0-""呵,不過做阿婆呢個位都幾好....哈哈

其實有呢d虛構性o既關係都幾好,因為可以拉近大家o既距離~~~~~^0^

諗返起好多小學o既野........原來我o既小學時代都幾豐富ga wor!!!!哈哈....下次整個中學時代o既先得............

之後唔知講到幾點......感覺自己就黎瞓著果刻,比D閃電閃醒左-V-""我覺得佢真係好近我....D閃電不停係咁閃,閃呀閃~~好似我一開眼就比佢閃瞎我一樣......而且有諗過佢會劈死我...因為嫲嫲果到地勢比較高~~但係一諗到我住9樓.....我上面仲有20層...咁我就好安落咁去瞓啦!!!!!醒左先比嫲嫲話我蠢唔識拉埋窗簾-0-"""我從未注意到佢o既存在...................