2011年2月8日.
永遠都會記得呢1日...
親愛ge父親大人就係係今日離開左我地._.
真係估唔到佢咁早就離開我地,
連一句說話都未講,
連對眼都未打開就走左...
佢斷氣之前有掙扎過,流過眼淚,
仲好努力咁嘗試郁下隻手,
對於一個腦出血ge人泥講,
係無可能做到,
因為D血積壓係個大腦到,
令大腦無法控制身體,
咁證明佢聽到我地講ge野,
知道我地係佢身邊陪住佢.
而且想生存落去!
如果個陣我肯比D勇氣叫佢一聲"呀爸",
或者佢就會有更大勇氣活多幾秒鐘,幾分鐘,幾個鐘,甚至醒番!
可惜我都係遲左...
係呀...我無勇氣...
但係我好想好想叫多佢一聲"呀爸"...
因為以後,我就無機會再叫佢.
...係佢就差唔多斷氣個陣,
先比到勇氣叫佢最後一聲"呀爸"...
(好希望你會聽到...)

死亡,真係好得人驚...
估唔到呢種事會發生係家人身上,
琴晚仲好地地,到左凌晨就無啦啦腦出血...
堅係接受唔到...
係父親大人仲未昏迷個陣我為佢做ge最後一件事,
就係幫佢斟一杯水,
呢種咁簡單ge事,
我竟然幾年都無幫佢做過,
堅係覺得好對唔住父親大人...
但可以係佢昏迷之前幫佢做呢樣野,
真係已經好開心,相信父親大人都一樣!
父親大人一直都對我地好好...
係一個好好ge父親大人,
對唔住,我以前成日縛你咀...
仲做左好多衰野...(係咩唔講啦.v.)
我已經唔可以再聽你唱歌,
食你煮ge飯,
同你一齊出街..
我有咩要求你都儘可能比到我"
我知道其實你好錫我...

你走左...真係好突然...
只係一晚...成個世界唔同晒...
堅係好辛苦...
但又要忍著眼淚...
仲有屋企人要照顧...
應承你我一定會乖,
唔會再亂洗錢...
唔會再成日出夜街,
讀好D書!
你係天國要開開心心呀!
我地都會捱落去!

R.I.P