今日天氣又非常之熱，熱到返到課室都特登坐去風扇位吹涼，咁就坐左去後面。之後咪同少左傾計既小旭旭傾下計囉，無咩特別。但咁就比人誤會左以為禾唔想見到莊生而坐後面XD因為我都幾憎佢的，唔返學都只有佢的堂，比人誤會唔怪得的。

之後上完堂咪傾下去睇戲囉，不過汁完ｎｏｔｅｓ再出到去戲院，買唔到好位的票囉，佢地說係意料之外。之後去左第間都係咁，就決定搵野食算，不過搵野食都好煩咁．．．在大熱天時周圍行。最後又係意料之外發現有間戲院有好位睇，真係好。之後買左票，不過食完野先睇。已經唔想再行，就去左花園食野算，又貴又唔飽，不過都係一次姐。食完，買埋小食就去入場喇。睇既戲係－－－－魔導王終極之戰。這是我一生人第二次睇戲咋∼∼哈哈