一個成十年無見既小學同學，打來一個電話，就係觸發銅鑼灣之役的開始。一個打緊邊爐之夜，電話突然響起，喂的一聲，就聽到一個不明少女打黎搵我，佢就講佢係我小學同學呢。佢話佢汁屋既時候搵返以前既紀念冊，咁耐無見咪出黎見下囉。我開頭都抱著重聚的心，同佢有傾有講囉，但ｄ朋友都同我講有奇怪呢。在準備呢場戰役，我軍計劃周詳，估計敵軍係點的，小康康做了我的保鑣咁，跟埋我去銅鑼灣。一見敵軍出現，中了一點：著西裝呢。一見呢個情況，我都知有奇怪了，跟住佢就帶走我去ｍ記食雪糕，係到傾下計，食完佢就講帶我去佢公司傾計。我都知係咩了，但都跟埋上去，因為當時都諗唔到有咩藉口走人。跟埋上去，佢捉住我係到介紹佢公司，拎過呢樣獎果樣獎咁，之後就坐低搵左個人黎傾。佢有佢講，我有我發呆，係到哦哦哦咁應佢只係，最後咪唔想留係果到強行走囉，佢地咪追上黎話，人地同你講野你唔講就走人，我無理佢就入了電梯了。呢場役我就算ｗｉｎ掛，因為佢搵唔到我加入佢公司呢。之後已好耐無搵過我，但又無啦啦搵我去機場博覽睇古巨基同官恩娜一萬人ｌｉｖｅ，但我估唔到佢想點，退出呢場戰役算吧。