原來琴日真係病左

發燒39°C

我一番到屋企就訓覺

佢地食飯叫我起身

其實我一早就醒左

只係唔敢擘大眼

因為感覺到隻眼有好多眼淚,就快喊出黎

我係都唔擘大眼

但原來,閉上眼睛,眼淚還是會不聽話的湧出來.

我冇食飯

再夜d個陣

老豆叫醒我,叫我食藥

我唔想食藥呀,所以唔肯起身

我老豆話'你再係咁要入醫院架啦'

心諗'哇,入醫院會點架',

'會唔會冇啦啦要我做手術架?'

即刻彈起身

但係個頭好暈

行路都行唔穩

行到出廳都已經喘晒氣

我媽話食d野先食藥

係雪櫃攞左個砵仔糕出黎

凍既,我最中意-v-

但係有好多紅豆,變到好鬼死難食

之後又要食藥

我聽到我老豆話食3粒0.0

嚇鬼死我

病左,聽力都差左

作死佢呀,粒藥大到唔係人食架\口/

我又唔識吞藥丸t^t

望住粒藥好奈

先慢慢咁放佢落口

老豆叫我吞左佢

吞唔到,唯有咬碎佢

咬完,我老豆先話

'唔好咬呀!好苦架'

大佬,做咩而家先講呀

人地都咬左lu

真係好苦T^T

之後就番房孌繼續訓

行到房門口

覺得仲係有d苦苦地

又傻下傻下咁番廚房

但係冇晒杯

就傻更更咁係間屋度兜圈

一路行,仲一路用自言自語既聲量問

'杯呢?點解冇杯既?d杯去晒邊呀?'

老豆指住鞋櫃,上面有隻杯

我就行過去啦

點知又撞左埋去

飲完水就番去訓教

成晚訓下又醒下咁

一時熱,一時凍咁

係咁係張床度轉黎轉去

唔知星期一洗唔洗番學呢?

最好就唔洗啦

唔想番學,見到d我唔想見到既野>3<

唔知今日可唔可以去跳舞呢?

就快模疑考試啦

5月就考英國皇家試

希望今年d成績可以好過上年啦

要加油!