有些人生出來就是畸形、而有些生命在胎裡斃死．．
亦有些生出來是智障，我們人類無法改變的就是命運！
幸好是有的完整的人，卻沒有完整的家……
工作和學習都很聰敏的人，心卻很空虛∼人就是那麼不完美嗎？
即使很富有的人，卻沒有錢買真心的朋友，有很多朋友的人，就沒有金錢！
世界就是用這個定意來循環？
原來．．．擁有真正開心的人很少！
我到底係唔係１００％裡面既１０％只擁有開心既個個？？
命運是對手，永不 低頭∼又會有邊個可以做到咁架？？
今日天氣唔錯，上完早會好熱＋好累，但係唔知點解直覺話比我聽，
一定係李ｓｉｒ睇我地考試，點知上到去，真係佢啊！點解？？
同上年既情景一模一樣，上年係咁今年又係咁，我ｄ直覺真係準成咁？
神奇喔！考數學啊！都唔錯既．．有進步ｗｏｏ∼＞ｍ＜（心虛添”）
ｍｃ題個時，我真係大矇啦！借左枝”原”芯筆比鍾嘉麗啊！
點知一定要用姐．．激死我啦！＞＜所以我鼓起勇氣問李ｓｉｒ，
李ｓｉｒ話一定會無分架！（佢講個時，個樣好串ｗｏｏ∼）．．
我一直係度祈禱叫神幫下我，祈完之後我眼前就有一張新既填ｍｃ題架！
加上一枝”原”芯筆，望上去見度李ｓｉｒ，好感動啊！（個陣時姐）
神啊！好多謝您∼＊
放學啦！考完ｗｏｏ∼一轉頭就見到鄧珮瑤個樣黑口黑面咁，
佢突然之間講左句：潘瑜，好想喊啊！客到我唔知點算好，一直講唔好咁，
除左講呢句都唔知點好，佢話考數學個時計數機壞左，何小包一直話我唔好，
做咩唔借比佢，我點借啊？佢又坐我後面，又唔同我講，李ｓｉｒ又望住哂，
好難比到佢架！更何況我唔知道架．．．．．．．．．．．．．．＞＜
之後陪瑤妹（勁肉麻，都唔知何小包咁都叫得出）佢地食野，去到五十嵐，
本來諗住同瑤妹坐架嘛．．同我爭？？＞＜算！我地坐左之後．．碌續
勁多我地班ｄ人黎左，差唔多大半班ｄ女仔都黎埋，仲有龔俊軒佢地都有黎，
頂唔順秀蘭姐既冷笑，勁想打人ｗｏｏ∼佢係咪想博打呢？＞＜
同後面既小黑（唔係狗名，係龔俊軒既簡名）玩左一陣，超無聊！勁搞笑！
之後比秀蘭姐既冷笑．．”能”走左∼呵呵呵呵^^同小屁佢地一齊走。
唔可以架！我要返屋企先，差ｄ比佢地拉入小花既屋企．．好彩我聰明∼
返到屋企原來我唔洗買午餐，不過原來佢地去飲茶．．我一邊食一邊見到
媽咪寫比我既一行字，瑜：銀座飲茶！唔知點解睇到呢幾隻字，
我個心就好痛，好內疚．．如果我知去飲荼既話，我一定會去ｗｏｏ∼
冇計，見瑤妹好唔開心既樣，問我你去唔去架？（我想講：唔啦！）
未講，佢就話一齊去啦！咁∼∼一齊去ｗｏｏ∼＞Ｏ＊哈哈””
之後我又以溫書既名義去小花屋企（我真係有溫架）不過一舊柿就打機，
一條金魚就去打麻雀，靠佢地？不如靠自己（講笑咩？？＞＜）
溫得都唔錯既．．＠＠呵呵∼小花個阿哥真風趣＃．＃無奈””
跟住陪小屁落去嵐月軒還漫畫，去百佳買野，屈左佢３個半．．好有成功感！
仲比我對千里眼見爸爸，好彩我避得快，因為我對千里眼係我阿爸傳比我架！
劉靜欣中途跟住我地，陪佢周圍去，送佢返學校，佢仲想題返之前我地ｄ野。
見到柏林仔同敏姐，竟然避我地，唉∼最衰都係小屁同劉靜欣，攞部手機出黎
係咁影佢地，人地好尷尬架嘛！其實大家都係朋友姐！我覺得佢地唔係拍緊拖既。
我識打麻雀架！我真係識架！頂．．．．．．你地唔順，車∼識打又點姐？
搵到食咩？下．．你地真係啊！太天真啦．．（明明就係自己唔識）
細佬最近都好有進步，唔知點解佢今日特別開心、唔知佢諗緊ｄ咩開心事呢？
唔通佢思春？呵呵∼太好笑啦！如果佢日日都咁開心就好啦！我相信．．
佢就係全世界１００％之中，１０％裡面係最開心、最幸福既一個^^
爸爸節就到啦！．．我諗定左架啦！你地諗好送咩野比爸爸未啊？？
ｐｓ：尋日見到張ｓｉｒ啊！（小學個個）呵呵∼＞＜今日打左好多字啊！
ｐｓ（２）：我同”水”真係好有緣ｗｏｏ∼搞到成身都係水，小包仲叫我買野，特登架？
ｐｓ（３）：都話同水好有緣架啦！．．岩岩先出完去搵家姐，佢好耐都未返黎，所以咪出去睇睇ｗｏｏ∼落勁大雨，搞到我有ｄ陣陣地添！去到小學禁門鐘禁左好耐先有人應我，之前都有ｍｉｓｓ理我既，仲叫我咁大雨返屋企先，我唔信∼係學校周圍兜左幾次，賢姐落黎見到我（仲認得我）幫我搵家姐，見到ｍｉｓｓ雲（佢依然咁傻氣），果然，家姐仲係室內整緊野，早知就唔搵佢啦！依家好累添∼我明白步步艱難啦！超大雨．．好多水溝∼
奇怪！邊有咁多ｐｓ架？
你好嗎？來了感覺如何？
2007 年 6 月 14 日 星期四 
←鬼鬼 筱婕 大頭貼
