1. 先喜歡上自己

無錯，長氣都要講多幾次，先喜歡自己吧！咁樣男生們先會覺得你特別sexy同散發住自信美，令你顯得同其他慣性討厭自己嘅女生與別不同。無自信又成日自怨自艾的女生只會嚇怕男仔！

 

2. 愛自己的獨一無二

你無陳敏之嘅長腿唔緊要，因為佢亦無你嬌小玲瓏嘅可愛身形。你可能一直對面上嘅小雀斑耿耿於懷，不過你又知唔知其實好多人都恨有，甚至化妝畫啲假雀斑上面？

 

其實，唔係個個男生都想搵個高高瘦瘦成個model嘅女友，有啲男生都鍾意細細粒嘅女生！如果佢對你彈三彈四，你大可走開，因為佢同樣唔值得你去愛，你總會搵到一個懂得欣賞你獨特之處（無論好與唔好）嘅男仔。

 

3. Show Off 自己

你有內在美，人哋未必會知道，試問如果你不修邊幅，又點吸引人接近你，去認識你呢？要提醒自己，無時無刻都要保持最佳狀態，著到靚靚見人。唔好再將幾套靚衫收收埋，等大時大節先捨得著，因為美麗係需要練習嘅。當你靚咗，心情自然會跟住靚，令男生都想親近你、對你好。

 

4. 多逗自己開心

單身嘅女生有時會覺得一個人好悶，不過其實都可以自己逗自己開心，Try something new！得閒約自己去拍吓拖、睇齣新戲，打扮得靚靚去試想試好耐嘅西餐廳！鍾意自己，令自己快樂，男生就會鍾意上你，因為大家都prefer一個時刻散發正能量嘅女友。

 

5. 多對自己笑

每朝早起身照鏡，唔好再放大面上嘅毛孔同瑕疵喇！企遠少少，欣賞下自己嘅可愛笑容，再去迎接每一日嘅挑戰，幸福自然會找上門！