覺得呢首歌好貼切可以形容早前完成表演工作的感言
問我歡呼聲有幾多？呢個Show帶比我好多歡樂及回憶，得到讚美、支持與鼓勵是我表演最大的源動力！
問我悲哭聲有幾多？亦都因為呢個Show令我完全無時間休息，今年好多是非，這是我始料不及的！
所以我如何能夠一一去數清楚呢~
問我點解會高興？因為每一日返工都可以帶比入場見面嘅遊客快樂，同時我都充滿著快樂地返呢一份工。並有一班同樣熱愛表演志同道合的演員同事一起拚肩作戰。
究竟點解要苦楚？今年全日祭，日晒雨淋同套道具重到死都咪話唔辛苦，但最囉命都係比人屈同是非。
終於完成晒成個Show，回頭想想我笑住回答講一聲我依然係我！
無論我有百般對或者千般錯，全心去承受結果。因為係自己選擇嘅，而我都能堅持到最後一刻，永不放棄！
面對世界一切的是與非、對與錯，那怕會如何？全心保存真的我！貫設始終，我依然係我！
問我得失有幾多？我得到嘅讚美、我得到嘅認同、我得到嘅快樂係無人搶得走的！我一個trip洗晒我呢個Show賺來D血汗錢，我失去健康，捱到病、而家半個月都未好返…呢條數真係好難計，其實得失亦不必清楚。我但求能夠一一去數清楚，究竟我以後條人生路應該要點行？
願我一生去到終結，無論歷盡幾許風波，我仍然能夠講一聲我係我！
活到現在，盡是精彩人生，有起、有跌！要多美麗有多美麗、要幾精彩有幾精彩！回顧過去，總算無白過！我總算對得住自己，對得住天地良心！一切天知道！感謝上天讓我有足夠的能力做我想做的工作，並能順從自己的心去做一個率真的人。感恩生命中遇到的好人好事，感謝所有幫助我、愛護我、支持我甚至攻擊我的人。因為你們都讓我成長，讓我更懂得體諒與包容、更懂得愛！現在我能笑住回答講一聲我係我！

同大家分享一下我蛇妖角色的相片，天天不同的妝容。你又比較喜歡那一個我呢？

 

 

 

 

另一個角色花子，非常恐怖，我卻極之喜歡，相片亦都很美！

 

 

 

 

努力得到上級認同的豬肉咭(抽獎用的)這是我今年收到的^^

 

 

收到這份支持，真的感動得快要喊出來！努力沒有枉費，個中的辛酸死頂頸頭痛到想喊！辛苦以及壓力等問題喊足幾日幾夜等等…因為這一張咭，再辛苦都值得，無白捱！而這份讚美我不能獨佔，背後有著一班偉大的團隊才能成就！一切榮耀及讚美都歸天上的父！與我的戰友共亨這份喜悅，多謝你們一直的教導、聆聽、支持與鼓勵！

 

哈囉喂係點樣做出黎架呢？全賴背後二千幾名員工不眠不休齊心協力∼仲有星級代言人羅蘭­姐嘅完美演繹！

 

以上是有我份演出的youtube MV Halloween Hungry Ghost