近日一直有Blogger在不同媒介下話寫Blog唔係想囉著數，話自己從不誇大試用產品的成效，有話直說等等…每當見到一些貪小便宜的人心中有鬼，不停在網上平台去解釋、去找認同，但往往就自動對號入座，而令人啼笑皆非！其實貪唔貪小便宜、係咪囉著數並唔重要，亦無必要打鑼打鼓去同人解釋，之後又要怕死怕事去刪除留言，這樣更顯心中有鬼！Blogger試得開心，讚助商收到預期效果。在雙贏的情況低下我個人認為各取所需，並無甚麼問題及爭拗。有人有得試當然開心，有人無得試都唔洗眼紅。每個人的背後都可能有個故事，有人會利用呢個平台黎賺錢，亦有朋友係真心share想分享好東西比其他Blogger朋友，有人有心囉著數~我見過在活動其間只黎囉禮物就極速閃人，有人紅透半邊天間間公司爭住讚助！亦都見過有人係現實生活中得唔到快樂借此平台吹虛自己，有人天性如此建立小圈子講是講非樂此不疲…
看到朋友仔share，我都不吐不快了！想分享的故事是這樣：有時我會幫一些PR公司攪活動，有時幫朋友手充撐場面招兵買馬，在各方面的而且確因各種機會認識很多名媛紳仕。近日有位XX大王的千金小姐，相信佢身家過億。出門渣波子，經常出入Ball場及晚會！而近日佢主動在我的facebook留言談天，我無任歡迎，佢想我幫手share佢公司其中一個最新出的廣告，我一口答應！幾日之後…我同佢留言講：我見你上次買D晚妝裙好靚，我唸我家姊間圍巾店有D野會適合你呢~有興趣可以上去睇下。然後我send o左條link比佢 之後我話：睇下有無興趣啦TVB , ATV, NOW TV, 鳳凰衛視都訪問同介紹過！(問心講，我並唔係sale佢去買野，只係叫佢去睇下有無興趣，有又好、無又好，對我來講都無所謂，只係有靚野同朋友share下。就算佢無興趣或者佢會有其他朋友鐘意，share比朋友！)之後佢答我一句：thx Emily. 我大部分衣服都是不同品牌贊助的。我就答：唔緊要架~睇下岩唔岩囉！最驚人的語句就出現了！佢竟然話：如果你覺得適合我的例如喱士或淺粉紅色的你可以寄去我公司給我，就連公司地址都send埋比我。之後我都真係覺得好好笑同唔知點答佢，一個禁有錢嘅女人，一個出身好並且受過高等教育嘅''名媛''…出口叫人讚助？ 我只係覺得…我都唔知可以比個咩野直口佢落台好……
貪心係無分富人與窮人！最重要係貪都唔好貪到出晒面，我會唸可能一個普通市民係買衫同化妝品嘅錢
都多過佢用係呢方面嘅錢，又或者係最紅嘅Blogger都無可能衣、食、住、行，全身上下都有贊助！大家
睇完呢段分享又會點睇呢？又或者會覺得千金小姐都不外如是，自己比佢還要更好，至少唔會唔要面
咁開口問人囉著數，R贊助！
而今次我最想share這事件的目的只係想分享：係囉著數也好、貪小便宜也好。都請聰明一點，比人知道自己咁樣…無面不特止，幾失禮呢~我都希望自己係各方面都可以做得好D，寫文寫得好D，文筆再下苦功及減少錯別字！大家睇完之後都會比like，合情合理，至少唔會覺得我係黎囉著數先！每個人不論有錢好、無錢好、有地位也好、平凡人也好。我們都有自己的品牌，而這個品牌就代表著自己是個甚樣的人。例如：羅湖城大家會唸起冒牌貨，連卡佛會就會唸起貴價品牌等……品牌壞了，別人對自己的信心也就失去了。要重建可需要花很大的氣力，如鐘欣桐就是一個活生生的例子了！而呢位千金小姐係其他人眼中係一個咩野品牌的人，對於我來說並不重要，希望佢唔好以為有D野係做o左無人知、無人會講又或者無人會信！我只係最近見Blogger們講貪小便宜及囉著數論，一個普通人都會顧全面子，而去努力話比人知自己唔係一個貪心嘅人！何況佢係一個名人呢？而呢件都真係奇人奇事，令我文債未還都要分享一下！經過呢件事的反思後，我只會唸如何去建立好自己的品牌及形象，真心Share！在此希望與各位Blogger姊妹們共勉之！
PS:真心share的Blogger們大家是有目共睹的，你們的分享有麝自然香！
多謝支持愛美麗Blog
|
