你地係咪覺得我有問題呢?熱到死都話好凍,其實係咁既,我坐果個死人位好凍,2部冷氣都吹到我,真係好想死呀~由返學到放學,我隻手都係好似冰咁凍呀,小息第一時間攬住屎屎同粟米取暖,真係好凍亞!!   之後走左門口一陣,隻手真係暖返好多!直至中文評估,我終於流(被)水喇~ 之後既時間我都好似冰咁咁凍...我張隻手放左入冷衫到,CAT仔話好嘔心呀,但係冇辦法啦,咁凍!

數學堂又學新野喇,之前果D我都未識得晒又有D新野,我就想死喇!做D數學難到死呀~我叫肥燊比3我著佢都比,我唔想~~廢事比人話我地唔知有d咩打啦!!上班主任堂,老潘要我地寫心意卡比媽媽,傑傑叫我寫比佢,因為佢係我媽媽(無奈呀呀呀呀呀)!我心到諗,你係我媽媽但係冇比$$我喎,點解要比心意卡你呀??放左學,上左3樓搵何老c攞義工隊既回條,之後又同粟米去左花都,本身諗住買埋筆既,但係唔記得左麗麗話要咩色,所以冇買到喇~返到屋企第一時間玩電腦,過左好耐,bb(細佬)攞住舊[亞同木](全部同音字~嘰!)同我講:[琪琪我中左大獎呀~]我都唔知發生咩事,佢好煩呀~