HI,,各位5B既同學仔..

睇見東龍打果篇XG,,我又心思思想打返篇黎講下我既感覺^^

仲記得我中三收到果張唔知咩入學紙,,知道入左慧遠...

真係O哂...連名都未聽過-_-

我有個fd都係入左呢間,,跟住佢話呢間野好鬼黑暗好鬼邪惡..之後就轉左去第間-_-

跟住就得我自己一個單拖入左黎慧遠...

第一日真係好淆底,,d人冇一個我係識既,,,

但淆都冇計啦..都要讀架係咪先~

咁搞搞下就去集隊...

我仲記得我企大隻妹後面...雖然後來既年半都係企佢後面...

我果陣唸緊..呢個男定女...

跟住集完隊就入左禮堂...我仲記得我坐面油豪隔離,,,

佢講野真係唔會停...介紹完d老師係邊個打邊個之後...

就解釋邊個老師係廢,,邊個老師係惡....

跟住上左課室..都冇乜特別..

但2個班主任真係嚇我一跳...滿頭白髮...

肯定教左半個世紀左右先有咁既效果..

跟住我就睇下我地班既同學仔......都唔係好惡姐,,

但果陣我都冇乜理..我想好好地讀完佢就算...

第一日咁就完左@@

未來既年半...真係充滿歡笑~亦都有好多gag野我好記得...

有好多人都成為左搞gag對象....

當中包括:淫賤既C.P.WONG,,肥屍,,豬麗葉,,fing頭(去廁所既樣子)........

gag野太多..不能盡錄><"但我唸5B既每一個人都會記得呢d gag野!!!

話咁快最後一日...3月10號....

每一個同學仔...已經由同學變成老友....

最後一日既課堂已經變為傾計堂,,

小息既時候所有人都出哂走廊傾計,,影相....留返一個美好既回憶....

係呢一到..我好想多謝1d人...

排名不分先後......

我要多謝,,東龍,,羅白,,東姑,,kai仁,,銘,,發哥,,阿松&肥雄,,阿柔,,劉基,,阿權,,阿陸,,白秀,,大隻妹,,冼豪,,光軍.................

多謝羅白,,係因為你我先會係人面前唱歌...多謝

多謝東龍,,點解多謝你我唸你知...多謝

多謝東姑,,雖然同你唔係好多經歷..但好多謝你帶比我歡樂...多謝

多謝kai仁,,你既一舉一動都好搞野...控制你~~~多謝

多謝銘,,,無你我呢一年半唔會咁開心...多謝

多謝發哥,,你對fd真係好好..好多謝你既關心...多謝

多謝阿松&肥雄,,同你地rap真係好正!!!我會記住我地點rap豬油芬...阿松努力d跳舞!!!希望第時係韓國見到你!!!...多謝

多謝阿柔,,同你去台灣果陣既片段我仲記得,,,真係好開心^^每晚12點之後.....xxxxx唔講啦,,哈....多謝

多謝劉權陸,,旅遊堂同你地玩真係為我解悶解左唔少...多謝你地3個!!!!多謝

多謝白秀,,你張聖誕卡我會keep住架啦,,是不是只能透過雙手,愛才會有交直流.....wo~多謝

多謝大隻妹,,仲記得同你同白秀係沙灘到傾計..真係幾浪漫^^好開心識到你...多謝

多謝冼豪,,你既急口令...真係令不少人笑到碌地^^...多謝

多謝光軍,,,你既偉論...我地唔會忘記...朱古力潤喉...熱飲解辣呢d經典野....真係改變左我對物理既常識...多謝

多謝既人太多..不能盡錄..但求在你地既心目中會有我既存在..會記得我呢個人!!!!

好多謝你地...好多謝5B...好多謝慧遠..好多謝大埔..好多謝新界...好多謝香港...好多謝中國...好多謝宇宙........無啦><

祝你地有個好既將來~多謝!!!

其實係29號出show既^^

不過過左lu~咁就一日啦= =''

原來企上個台到,,唱歌彈野,,

係咁既感覺~~~

講真..真係唔係好緊張,,

可能係間野d冷氣開得大= ="

成個人震= ="~~

但真係冇左之前果種上到台唔敢望落下面果個感覺..

今次上到台真係覺得幾好玩,,

今次出show既歌有...

情人,,zombie,,dreams,,basket case,,sixpounder...

zombie同dreams同sara夾,,,

好正我覺得^^

不過好慘...我唱完個情人之後...

到10點先唱basket case同sixpounder= ="

間野d冷氣....雪櫃咁...

坐到就結冰啦= ="囧爆

不過最後都出左,,,

幾順利牙今次出show出得!!!

下次努力!!!!

下次出green day!!!!!

今日非常攰

咁就過左一日..

唸返起琴日發生既事...

真係百感交集,,唔識講..

好亂好亂好亂....

好想比自己多d野做...

好想自己唔好再唸起佢...

但真係好難好難...

睇到keroro個qooza...

就知道忘記一個自己愛過既人真係好難...

我同佢雖然一齊唔耐...

經歷都唔多...

但都一樣好深刻...

我無勇氣再面對佢...

同佢分開係唔開心..亦係一種解脫..

但..

每次唸返起同佢一齊既回憶..

就好唔開心...

唸返起佢整比我既果份生日禮物..

就好唔捨得...

但我知留戀同佢一齊既日子係冇用..

佢就連唸都懶得去唸..

佢繼續佢既生活...

我繼續我既生活...

佢有fd時...我都有fd...

我有一班好朋友..

當我無助果陣係佢地伸隻手來幫我...

但你呢...

我無助,,唔開心既時候...

我做既係叫你唔好唔開心...

我連自己既感覺都唔理來去哄你...

你又知唔知...

你從來無試過去唸過我...

對你好只會得寸進尺...

對你好只會令自己難受...

無錯....

見到你既時候係好開心...

但見既時間比傾電話既時間仲要少..

咁不如淨係傾電話算啦...

呢句野我想講好耐...

一直唔敢同你講係我知道講左你一定分手...

而家唔洗講都分手...證明我地既關係係好脆弱..

到左呢一刻我地再無關係...

我亦唔想有關係...

同你傾計只會唸返起之前既野...

你連唔開心既感覺都冇...

咁樣我地連做fd既需要都冇...

就咁啦...52日同4582個sms,,

再見!

多謝b女篇xg..好高興識到你^^

多謝楚琳首歌...琴晚唔記得多謝你^^

有你地陪住我..

無左佢都唔係好大損失姐...

有你地來補返...^^多謝~~

今日個心情其實好復雜...

本來好開心既一日..

突然變得好傷心...

跟住又比一班朋友感動左...

覺得自己唔孤單..

係失去左一個人我自己好愛既人...

但我得到一班好愛我既朋友...

可能咁講會肉麻左d...

但實在比你地感動左...

要係到多謝一下今日陪我既朋友..

排名不分先後...

東龍,,東姑,,羅白,,楚林,,白秀,,b女..

尤其係東龍...

你肯聽我講..你肯教我點做..你肯開解我...

我真係唔知講咩去多謝你...

好對唔住我既朋友..

我同佢一齊果陣...

重視佢多過重視你地...

真係好對唔住...

我唸住個心淨係有佢...

佢會覺得感動...

但換來既淨係得一句說話...

同埋一個好唔肯定既答案...

對唔住...

你地唱生日歌果陣..我唔知應該點做...

可能你地覺得我好似唔鍾意咁..

但我真係好感激&感動...

真係好多謝你...

16歲既生日..

失去..擁有...

一日裡面全部發生...

講真我真係好難接受有d咁既事發生...

但我唔會再傷心...

因為我有一班朋友..

無論你地今日係想定唔想出黎都好...

你地都出左...你地都黎左..

好多謝你地牙真係..

你地陪我渡過左本來好難過既一日..

因為有你地...難過都變得開心...

再一次多謝你地...

多謝東龍,,多謝東姑,,多謝羅白,,多謝楚林,,多謝白秀,,多謝B女!!!

仲有多謝姣基...估唔到你咁有義氣...

好多謝你!!!

好多謝你地!!!

今日去唱k,,

fing頭約我地去唱k,,

嘩,,有好多人去左,,不過好慘..冇女仔去><"

唸唸先,,有邊個去左呢,,

三劍俠,,銘,,方包,,冼豪,,阿輝,,唐廢,,kai仁,,fing頭,,玉衡子,,肥屍,,面油豪,,((差唔多啦~~)

3點鐘左右去到neway,,

以為可以唱,,

跟住就話拎左飛但係要等,,

就去左千色行左陣,,

同kai仁去左地下果個機鋪到睇fing頭打機,,

睇左15分鐘左右,,

就話返去neway到拎房,,

去到原來仲未得,,不過就快得,,

再等左陣就上左去,,

間房藍色架,,都ok令,,

跟住係咁叫肥屍唱歌,,

今日把聲好廢><"但都照唱,,

跟住叫野食同野飲,,

叫完又繼續唱,,

fing頭係咁爆粗><"sosad,,

跟住,,阿輝,,方包,,唐廢,,kai仁,,銘果d玩啤牌...

我唔識'錯'dee,,

所以冇埋到堆,,

跟住d野食來到,,就第一時間拎左自己果個先,,

因為太多人係到,,撈到亂哂

嘩,,果個咁既意粉,,

酸到含家拎,,我以為有d腸仔,,

點知腸仔都冇,,得d垃圾蕃茄><"

但冇法啦,,都要食,,

我叫左杯凍0樂,,

食完又繼續唱,,

唱唱下佢地話玩''com''棉胎,,

呢個我識玩,,

就玩啦,,

最尾輸果個係東龍><"

又矛,,又輸><"抵死

跟住玩左陣又冇玩,,

就點左信樂團既大驚小怪,,

因為之前聽過,,所以識唱,,

見今日把聲又廢,,

就用rock聲去唱,,

有3個rocker!!!!!!

東龍,,東姑,,我

嘩,,唱到喉嚨沙哂,,

又點linkin park-unmb..

我果陣已經走哂音,,

又唱埋aerosmith-i don't wanna miss the thing,,

把聲完全廢哂><"

講野都走音,,

跟住同東龍,,東姑去左買喉糖,,

$14.9---6粒><"

1人2粒,,冇lu~

食完上去繼續唱,,

又點多次大驚小怪,,

唱到頭都痛= ="

我地3個都訓左係到= ="就死咁既款,,

但真係玩得好high,,

未試過唱k好似開show咁,,

唔係,,仲爆過開show,,

而家個喉嚨仲痛緊,,

唔知幾時先好返lu~

但係可以同班fd玩到咁癲,,

真係唔係成日可以,,

...今日真係好難忘,,好深刻!!!

全賴有你地,,thx for my friends!!!

最屈機係fing頭最後,,

將個咪聲教到50,,

仲要喪叫= ="

我都頂唔順,,即刻就走左,,

哈哈,,,今日玩得好開心,,好攰><"

總之多謝哂我既朋友!!!